Video
Read full review
2022-09-08
138 views
行街行到過咗午飯時間先坐低食嘢， 中環街市地下food court都幾多嘢食，下午茶Menu仲抵食啲~好清晰嘅落單程序，記得食完自己拎走啲餐盤去回收站~🔘新加坡大蝦喇沙米線 $68好足料嘅喇沙，有大蝦、魚蛋、豆腐卜、魚片等等，湯底好惹味唔算太辣好有椰汁味，米線質感都正常唔會過腍，係幾有水準嘅喇沙!! 🔘手打櫻花蝦餅 $62初頭以為係好熱氣有炸粉嘅蝦餅，嚟到感覺似係半煎炸，幾鍾意佢加咗馬蹄，另外仲有芹菜蝦米等等，好香口唔油膩!! 🔘半熟蛋配咖吔多士 $36咖央醬唔吝嗇有存在感，牛油半溶，多士少少脆，我哋冇用多士點半熟蛋，反而攞咗隻半熟蛋去撈飯，好鬼正!! 🔘亞答慢煮豬手飯配蘇東魚丸雞湯 $68呢個係喺佢嘅姊妹店Attap到order，豬手因為係慢煮肉質好嫩，夠入味啖啖肉，仲有跟酸菜，個飯超大碗食唔晒，雞湯就係清清地都幾好味~下午茶餐真係幾抵食，無論主菜同小食都幾好味，中環街市平日人流少啲好容易搵到位~
好清晰嘅落單程序，記得食完自己拎走啲餐盤去回收站~
🔘新加坡大蝦喇沙米線 $68
好足料嘅喇沙，有大蝦、魚蛋、豆腐卜、魚片等等，湯底好惹味唔算太辣好有椰汁味，米線質感都正常唔會過腍，係幾有水準嘅喇沙!!
🔘手打櫻花蝦餅 $62
初頭以為係好熱氣有炸粉嘅蝦餅，嚟到感覺似係半煎炸，幾鍾意佢加咗馬蹄，另外仲有芹菜蝦米等等，好香口唔油膩!!
🔘半熟蛋配咖吔多士 $36
咖央醬唔吝嗇有存在感，牛油半溶，多士少少脆，我哋冇用多士點半熟蛋，反而攞咗隻半熟蛋去撈飯，好鬼正!!
🔘亞答慢煮豬手飯配蘇東魚丸雞湯 $68
呢個係喺佢嘅姊妹店Attap到order，豬手因為係慢煮肉質好嫩，夠入味啖啖肉，仲有跟酸菜，個飯超大碗食唔晒，雞湯就係清清地都幾好味~
下午茶餐真係幾抵食，無論主菜同小食都幾好味，中環街市平日人流少啲好容易搵到位~
Post
