靠得住粥麵小館 (黃大仙中心北館)

Open Now

Now Closed

一日早餐同下午茶餐竟然都幫襯了同一個集團！想食清清地，下午茶唔一定要飲奶茶食多士嘅，揀左食粥麵啦。原來靠得住的下午茶餐$30有找，CP值都幾高。雲吞麵餐配混醬腸粉（$26，另加一）：雲吞有三粒，質素尚可，麵質都算彈牙，係略嫌麵身有些許梘水味。腸粉唔係好滑，同埋原來混醬的意思係乜嘢醬都落左，早知走辣啦。魚片碎牛粥配油菜（菜心）（$28，另加一）：粥底都算綿，唔算好大碗，油菜就剛剛淥起，夠熱。埋單兩個茶餐$60有找，呢個價錢冇得挑剔啦。