桃園車站 (Closed)

車站紅燒牛肉麵 583點幾去到，佢話仍然可以叫午餐，由於下午茶冇牛肉麵所以就叫左個午餐牌既牛肉麵，以為午餐貴D係會大碗D，點知都係同下午茶一樣，下次都係叫下午茶算lu~套餐配左凍台式奶茶，個奶茶幾好飲，唔會好甜，幾好味，好似隔離店X茶既珍珠奶茶只不過走左珍珠咁~士林雞扒米線 36媽媽叫既係下午茶餐，講真大小同午餐冇分別，下午茶比較抵食，同埋可以配凍台式奶茶，不過D雞扒就麻麻地，好大舊炸皮，雖然食落唔係話又硬又大舊粉好難食，不過就係冇乜肉，每塊雞扒其實好少肉食。炸花枝丸 42/5粒炸花枝丸都OK，不過就有D奇怪，有少少係皮還皮丸還丸咁，D丸有少少粉，唔係好香花枝味台式雜錦拼盤 58D豬頸肉唔錯，唔會太肥，燒得都OK唔係白雪雪，軟殼蟹都幾好味，有少少少少膏，餃子就正正常常啦，都幾多豬肉冇乜人，完全唔洗等位，食完有coupon送下次食，不過只可以叫午餐同晚餐用。