炑八韓烤 (蝴蝶廣場) (Closed)

今日下午興致勃勃好想食韓燒，諗起屋企附近最近開咗間幾出名嘅韓燒， 就拉埋屋企人一齊去食啦～叫咗個炑八牛肋骨煲配飯$72 ，賣相非常吸引，牛肋骨煲到好深色，好爽口彈牙，又滑又嫩，唔會煮得太耐。有好多舊，大大份好抵食。上面有啲蛋絲，仲有湯飲，個湯都幾清。兩個人share one set都夠食，啲飯仲加左啲紫菜，好好食呀。小食叫左個迷你炒粉絲，迷你但係份量都算夠，幾抵食，叫完個飯怕悶可以叫個炒粉絲食～ 粉絲幾彈口，如果多啲牛肉就好喇。我會推介朋友黎食！