黃枝記 (Closed)

黃枝記由澳門開到黎香港﹐去唔到澳門唯有黎回味一下。果然係做旅客生意﹐勁多大陸人。地方都大有好多位。叫左個炸醬麵同秋葵雜菌泡飯。 下午茶餐跟SET 有餐飲。熱飲唔洗加錢。而且一坐底都會比壷菜你任飲。落完單好快上菜。炸醬麵的炸醬好香黃豆味。酸甜咸集於一身。開胃的麵食。幼幼的肉條加起炸醬，令整碟麵更有口感。而麵質屬於幼身跟雲吞麵既麵質係一樣。有咬口用撈麵湯麵一流。食完重味既野食返個泡飯 清一清腸胃。呢個泡飯有好清新既感覺。秋葵軟硬適中。秋葵及雜菌切到一粒粒, 容易入口。雜菌沒有草青味，唔想食濃味既野既人可以試下。