峰壽司魚屋

Open Now

Now Closed

估唔到峰壽司都有出下午茶，雖然食評嘅食物質素好似麻麻，不過都試一次啦，點知非常有驚喜！TEA: 火炙壽司set + 炸雞 + 迷你烏冬 $58 （加埋一總共$64）火炙壽司一啲都唔Hea ，有鰻魚蟹柳玉子同埋三文魚，蟹柳玉子其實間間都差唔多，鰻魚有啲入口即溶嘅感覺，正 。迷你烏冬：正常發揮，雖然等咗一陣先食蛋都冇淋到，烏冬都入味，其實呢個份量剛剛好 。我等晒啲嘢食嚟，食完壽司同埋烏冬，最後先食炸雞，但啲炸雞依然都熱到食唔到，即刻炸非常欣賞！雞肉嫩！熱氣嘢食三嚿都非常足夠 。下午茶平日三點至五點，我覺得好抵 ，可見而家真係生意難做。