清真牛肉館 (龍崗道) (Closed)

諗住下午茶時段兩點半來到會少d人， 一樣要等位，店內座無虛席，店員無一不是做到氹氹轉。好彩剛啱有兩位食客離座，唔使等好耐就可以入去。坐位不太寬敞，一張8人檯要迫著9個人…每次來到必食就係牛肉餅和咖哩。一坐抵先order兩件牛肉餅同一碟咖哩牛腩。熱辣辣牛肉餅好快就出現面前牛肉餅穿咗窿，所以一夾起就漏湯汁…………熱騰騰的牛肉餡， 可惜牛肉湯汁浸晒出來…這碟是淨咖哩牛腩（$69）眼見好多食客order咖哩碟頭飯（$47），餸嘅份量大約一半，飯則一大碟上。本想order薄餅和白飯來配咖哩，但星期六日假期不提供薄餅………只好order白飯 $10一碗白飯咖哩牛腩內嘅薯仔超好味，夠林又入味，咖哩中辣，一定要配飯或餅吃才正！今次沒有牛筋踪影，只有牛腩，牛腩夠林一點也不鞋口。這兒的豆漿，完全喝不到豆味，只有甜味細細杯也要$10。清炒油麥菜（少油）我覺得這碟清炒油麥菜條條皆珍貴………………因一碟也要$59，真係貴菜！