Video
Read full review
2021-05-28
193 views
昨日係戶外做左半日嘢，無咩胃口，所以諗住簡單快食碗粉，飲杯凍飲降一降溫後，便趕住繼續戶外的工作。見到店內無咩客，得3枱，諗住應該好快出到餐就入左去。入座後，店員禮貌告之，顧客需自行掃枱面上一張QR code紙（是收據那種熱敏紙）進入網上系統，並自行落單，過程中有問題的話，可再叫佢。落單過程順利，我order左一個生牛肉河（小碗，走洋蔥）及凍蔗汁，共$45。蔗汁好快到左，諗住碗粉都好快上到，但問題就開始出現啦！我坐左約15分鐘後，聽到隔離個枱食客開始向店員追單，然後對面個枱客又係追單，但店內加埋我先4枱客，咁少人都要追單？😳開始心感不妙，跟住過左5分鐘後，我碗粉都未上，所以都叫店員幫我叫單。跟住門口帶位個位店員覆我話食物黎緊，就得，等多一陣。如事者，我再等多5分鐘，前後等左廿幾分鐘，終於等到碗粉到。一見到碗粉，當堂嚇親，雖然我知是小碗粉，但真心無諗過細碗成咁（好彩熱到無咩胃口），然後我只是order左走洋蔥，佢就連芽菜同蔥都走埋，變成得返粉及牛肉。因為趕時間，所以無出聲，諗住拿拿聲食完就走，點知連杯蔗汁都中伏，唔知係煲燶左，定係佢落左 d 咩材料，隱約飲到一陣苦味，自問不嬲好有衣食既我，
見到店內無咩客，得3枱，諗住應該好快出到餐就入左去。入座後，店員禮貌告之，顧客需自行掃枱面上一張QR code紙（是收據那種熱敏紙）進入網上系統，並自行落單，過程中有問題的話，可再叫佢。
落單過程順利，我order左一個生牛肉河（小碗，走洋蔥）及凍蔗汁，共$45。
蔗汁好快到左，諗住碗粉都好快上到，但問題就開始出現啦！
我坐左約15分鐘後，聽到隔離個枱食客開始向店員追單，然後對面個枱客又係追單，但店內加埋我先4枱客，咁少人都要追單？😳
開始心感不妙，跟住過左5分鐘後，我碗粉都未上，所以都叫店員幫我叫單。跟住門口帶位個位店員覆我話食物黎緊，就得，等多一陣。如事者，我再等多5分鐘，前後等左廿幾分鐘，終於等到碗粉到。
一見到碗粉，當堂嚇親，雖然我知是小碗粉，但真心無諗過細碗成咁（好彩熱到無咩胃口），然後我只是order左走洋蔥，佢就連芽菜同蔥都走埋，變成得返粉及牛肉。
因為趕時間，所以無出聲，諗住拿拿聲食完就走，點知連杯蔗汁都中伏，唔知係煲燶左，定係佢落左 d 咩材料，隱約飲到一陣苦味，自問不嬲好有衣食既我，都要投降，飲剩半杯。
最後，諗住叫埋單走人，一直等唔到店員路過。門口帶位就掛住抹野，企在店中間個個就發緊夢，對眼擘大企係度，但個視線唔知放空左去邊，明明望到佢正面，但揮晒手都係望你唔到，結果要大聲叫，仲要叫一聲唔得，要再大聲叫到成間舖都聽到先有反應。佢行到埋嚟，我話叫埋單，佢就叫我自己出去埋，但枱面除了個張QR code紙外，並無其他平時見的收據。我唯有問佢一聲是否羅呢張紙（張QRcode紙）出去埋單？我只係想確認下，佢就九唔搭八，機械人式覆述：「你出去埋單，或覆述枱號就可以。」
好後悔，食到成肚氣，發誓以後都唔會再食錦麗。🤬🤬🤬
5 views
0 likes
0 comments
Post
