順德經典 (Closed)

放假無乜做，又訓到黃朝八晏，帶住個妹落左沙田飲下午茶。去到瀝源商場，好耐無黎過，印象中好少酒樓又想食點心，經過間順德經典，門口水牌好似幾實惠，狗衝入內。阿姐開左茶位擺低下午茶紙，喂!真係平，燒鵝瀨賣24個8，仲有啲孖寶，都係廿零蚊，大型連鎖商場酒樓呢個價錢已經買少見少。24個8既燒鵝瀨，原本以為會掛羊頭賣狗肉俾燒鴨，食落先知真係鵝，雖然凍凍地，但皮都仲脆口，廿零蚊黎講算係咁。薄撐，好耐無食，即叫即煎，熱辣辣，夠香!鳳爪，一般，淡左少少呢間野下午茶食物質素雖然唔係相當好，但以呢個價錢黎講已經係上品。