揚食屋

Open Now

Now Closed

之前食旁邊既廿一堂一般般，今次試同隔離既揚食屋竟然有驚喜，雖然賣既嘢差唔多，我今日個下午茶 好抵食又好好食！34蚊有牛仔腸，薯餅，炒蛋同豬骨湯米粉，飲凍桃茶唔洗加錢！個米粉來到時本來以為佢比錯公仔面我，因為都係攣埋，點知原來佢係米粉嚟，好爽口好滑好好食！豬骨湯都夠味、雖然係罐頭野，但係都唔錯好夾！薯餅夠熱，同腸仔蛋都係即整！個桃茶除咗細杯啲之外都幾好味！最後就要讚呢度嘅人嘅服務，由收銀到送餐嘅妹妹都好好！問佢拎熱水同茄汁，都好好禮貌！34蚊既驚喜之作！