京滬佳餚 (Fashion Walk) (Closed)

- [ ] 閒日下午茶呢日食嘅係尊貴下午茶二人餐，$129兩位。特別嘅係星期日同埋公眾假期都有呢個二人餐。當日嗌咗兩個二人餐，所有二選一嘅都可以試晒。招牌小籠包用皮薄餡靚你形容冇過分，因為佢真係做得好薄。裏面充滿肉汁。墨魚卷正常，唔覺有墨魚味普通春卷咁樣。陳醋黑木耳，酸酸地好開胃。黃金鴨件(魚子醬) 千祈唔好比魚子醬三個字令你太興奮，因為佢唔係西式嗰隻caviar。佢睇落似綠色嘅蟹籽，食落淡淡地。個鴨皮好脆，中間夾住酸酸甜甜嘅山楂膏。個人覺得山楂高嘅份量太多，蓋過咗鴨皮嘅味道。全餐最驚喜係回鍋肉同埋麻婆豆腐，炒得好惹味。連埋個拌麵同埋炒飯一齊食係好食嘅。如果淨係為咗個片皮鴨嚟食，絕對冇下次。不過為咗佢其他嘅餸菜，反而可以一試。不過128兩位，表現算係不過不失。