元札幌拉麵 (宇晴軒商場) (Closed)

下午茶超抵食！1.元拉麵佢塊肉有手掌咁大塊！個湯都好濃味，似豬骨湯底！啲麵都好多，好有份量，一個女仔食可能食吾曬！2.滑蛋豬扒飯有8塊豬扒，炸金黃色，一咬落去啲肉好鬆軟，個皮吾會好多炸粉。個蛋都做得吾錯，如果多啲蛋好更好。而且本身個汁甜甜地，食落都幾美味👏🏻小貼士:另上豬扒！就吾會比啲蛋汁搞到淋曬🙃🙂3.串燒所有都夠熱，好新鮮！雞軟骨: 有孜然粉，咬落去索索聲😛雞翼:拆好晒，方便食用，如果大隻啲，多啲會更好！豆腐：夾住啲鰹魚碎食，加少少汁，口感好rich !有多種嘅口感，值得一試！環境都乾淨，又會比一壺熱水，自助式沖水！整體$50一個人，有呢個食物質素，真係物超所值！