Video
Read full review
2016-08-09
1361 views
呢排每個星期六下晝都會去長沙灣廣場教會嘅團契聚會，完咗之後我哋一班人都會去附近食嘢。連續兩個禮拜我哋都去咗滙城。呢度個老闆好好人，每次就算我哋無book位都會留起一排位比我哋。呢度啲嘢食價錢唔算貴，最神奇嘅就係下午茶餐可以食到夜晚8點。好耐冇食過炒公仔麵，所以叫咗個五香肉丁炒公仔麵，仲叫多咗個炸雞比同朋友一齊share，其它人見到都話好邪惡！碟五香肉丁炒公仔麵等咗大概10分鐘就到，炒功方面ok 啦，幾夠鑊氣，同埋無炒燶。但係個面好似烚得唔係好夠時間，未完全發開晒，有機條痴埋咗一齊，同埋有啲硬，中意食有口感嘅可能啱食，我自己鍾意食偏腍少少。配料方主要有肉丁，洋蔥同青蔥，肉丁份量ok，但係唔係好夠五香果隻未，即係罐頭裡面紅色果隻汁，如果你都係五香肉丁愛好者一定知道我講緊邊隻味，同埋肉方面比較瘦，肥返少少比較好，感覺無咁乾。炸雞髀差唔多等咗20分鐘先上，即係好大機會係生炸。望落去個樣唔錯，炸到金黃色。切落去好多肉汁流哂出嚟，肉質放面唔乾，而且鮮嫩Juicy。調味方面主要有鹽，同少量沙薑粉，只係嫌佢咸咗少少，如果可以放少啲啲，真係啲啲鹽就真係正。雞肉嘅肉味唔算好突出，但就無咩雪味，可能調味方面
好耐冇食過炒公仔麵，所以叫咗個五香肉丁炒公仔麵，仲叫多咗個炸雞比同朋友一齊share，其它人見到都話好邪惡！
五香肉丁炒公仔麵
$36
53 views
0 likes
0 comments
炸雞髀配沙律
$25
35 views
0 likes
0 comments
沙律放面就算喇，不值一提，應該係冰過嚟，好似有啲冰碎響裡面咁。
總結，食物質素同水平一般啦，反而隻炸脾有驚喜。環境算係唔錯，乾淨企理，有好多卡位。招呼都唔錯，尤其是個老細，每次入嚟都同我哋打招呼，好多嘢都親力親為。價錢方面，$25有隻炸脾連沙律仲跟埋嘢飲，其它炒粉麵飯都係三十零蚊，真係好難搵架喇，荔枝角低食之選
Post
