Bold Italic (Closed)

Bold Italic 用就用得多，幫襯都係第一次（爛 gag 中😝😝）。早幾日去咗食 tea，本來想 order 秘製牛腩蕃茄酸辣湯意大利粉，waitress 姐姐話牛腩賣哂，介唔介意轉西冷牛扒，我梗係唔介意啦😍。食物一上枱，我真係由個心度笑咗出嚟：啲牛扒唔單止分量遠比我想像中多，質素仲唔差，有牛味，有油脂，絕對冇將價就貨。除咗牛扒，個湯底亦都值得一讚：蕃茄，胡椒同雞湯味都好香濃，對面位本來唔鍾意食湯意粉，但都覺得個湯底好味；我呢，就梗係連湯都飲到一滴不剩啦😋。臨走時，忍唔住同 waitress 姐姐講話個湯好好味，佢叫我得閒再嚟幫襯，我心諗：唔知下次會唔會又賣哂啲牛腩呢🤭🤭。