港東港西 (Closed)

年三十冇乜地方開門做生意，尤其下午茶時間，個個都落本留肚晚上食大餐。呢間野新開，好落力，下午茱茶價錢一般，同附近睇齊，勝在色香味奪人，算是打響頭炮。我同朋友2個人，2個下午茶餐，很滿意，年三十，衹是$56個磚頭西多，起碼2倍份量，厚切大件，外脆內軟，絶冇吸油，加上糖霜，賣相一流，遠遠也聞到蛋香味，加埋牛油和楓糖漿，超絶。沙嗲牛是鮮牛，厚切，有牛味，鬆軟卻依然有咬口無筋，沙嗲味夠入味，惹味辛辣又吾搶喉，包有小小烤過，本身系甜包，咬落去，熱辣辣暖笠笠，超正。咖啡是咖啡機，溫純回甘，正。