源味甜品小食 (Closed)

今日放學咁啱tea time，就同同學去左學校附近一間甜品小食店去食下午茶🙈呢間野有甜品仲有小食又有涼拌，所以就算同學之間有啲想食甜野有啲想食咸野都唔使嗌交啦😆😆呢個咖哩豬皮魚蛋都只係10蚊!!!咖哩汁唔會太辣但係好入味，豬皮又夠林，好正😋想食啲涼拌，就叫左個麻辣火雞腎，都只係30蚊🤤麻辣夠香夠麻，好惹味又唔會太辣🙈下面啲涼拌芽菜都好正，食到停唔到口大家爭住食😋呢個芒果涼粉西米露好好食!!!平時食涼粉最驚啲涼粉甘甘地，但呢個完全唔會，好啱啲中意食甜野既人呀🙈老闆好好人，見我地人多專登比多啲我地，上野食又快☺️唯一美中不足係舖頭太少位了😢