Video
Read full review
2020-09-20
1012 views
星期日3點鐘突然間想飲茶、明星唔使等位即刻開位。九秒九落晒啲單轉個頭已經收起晒啲點心紙，佢哋應該四點幾就落場！⬇️叫咗兩款下午茶特價點心，$15.8非常抵食！蟲草花鮮竹卷個湯好清好好味、好味過平時蠔油汁㖭。山竹牛肉最遲上但熱辣辣、四大粒裏面好多馬蹄好爽。⬇️海皇春卷就凍冰冰幾油、裏面應該係沙律醬撈咗少少蝦肉雜果，個味道都幾好！⬇️白灼牛柏葉魷魚唔使$30，大大碗仲有菜底、可惜佢哋冇蠔油剩係得豉油！⬇️鮑汁鳳爪$43份量一時多一時少、今日算多但係鳳爪好細隻，個汁其實好好味。⬇️叉燒酥仲係暖暖地但係裏面啲餡太少！⬇️最後福建炒飯抗疫價$51大大碟、有蝦有雞肉配炒飯底幾唔錯。⬇️⬇️配埋龍井茶每位茶錢$10唔搭枱價、埋單連加一都唔使$250又坐得舒服，不過都幾多人九成爆！如果早少少食 Lunch 就應該要等位啦。
⬇️
叫咗兩款下午茶特價點心，$15.8非常抵食！
蟲草花鮮竹卷個湯好清好好味、好味過平時蠔油汁㖭。
山竹牛肉最遲上但熱辣辣、四大粒裏面好多馬蹄好爽。
⬇️
海皇春卷就凍冰冰幾油、裏面應該係沙律醬撈咗少少蝦肉雜果，個味道都幾好！
⬇️
白灼牛柏葉魷魚唔使$30，大大碗仲有菜底、可惜佢哋冇蠔油剩係得豉油！
⬇️
鮑汁鳳爪$43份量一時多一時少、今日算多但係鳳爪好細隻，個汁其實好好味。
⬇️
叉燒酥仲係暖暖地但係裏面啲餡太少！
⬇️
最後福建炒飯抗疫價$51大大碟、有蝦有雞肉配炒飯底幾唔錯。
⬇️
⬇️
配埋龍井茶每位茶錢$10唔搭枱價、埋單連加一都唔使$250又坐得舒服，不過都幾多人九成爆！如果早少少食 Lunch 就應該要等位啦。
Post
