茶A (Closed)

公司三文治🥪公司三文治望落好足料，餡料覆蓋到大部份嘅麵包在，唔會淨係得中間先至有餡，麵包有烘底，一邊係夾午餐肉、火腿、炒蛋，午餐肉算係厚切有口感，炒蛋嘅份量都唔少，另一邊係生菜、蕃茄、芝士配千島醬，係一啲經典嘅配搭～瑞士雞翼有5隻，正常size，瑞士汁鹹甜適中👌之前嚟依度食過下午茶，印象中乾淨企理，而且以茶餐廳嚟講算係坐得舒服，見到有唔少街坊帶小朋友放咗學嚟食下午茶，另外侍應見我地食三文治會污糟啲，仲主動畀多幾張紙巾我地，幾細心呢！