茜廊餐廳 (良景廣場) (Closed)

上次晚餐試過良景商場，同集團新開兩間餐廳，其中一間泰菜(泰廚房子)，今次下午茶時間經過，便入去試吓另一間(茜廊餐廳)，叫咗兩個下午茶餐，一個雞髀薯條，一個西多士，追加個薯寳。首先個雞髀買相非常好，炸到金黃色，雞皮脆口，雞肉又唔老，薯條好食過M記多多聲；個西多士有兩件麵包咁厚(真係厚多士)，中間夾住花生醬，不過個人不喜歡粗粒花生醬，最貼心個蜜糖醬，系原裝一小樽上；但系追加個薯寶一入口，就成口油，真的要改進一下，埋單計數又不太貴!下次一定要試吓晚餐。