安利大排檔 (Closed)

當日同男朋友行完龍脊，就落到筲箕灣搵野食，下午茶時間見安利人門口都仲有人排隊，就去試下佢，叫左個牛腩撈粗，鮮油多同炸魚皮。入到去裝修麻麻，但人nice係入面食得好開心，有另外一種人情味。鮮油多士睇圖就知舊牛油有幾厚，多士又夠熱，兩塊熱辣辣既麵包夾住凍冰冰既牛油，一啖啖既油多入口即溶，但又有麵包吸番，唔會感覺太油，好正！牛腩撈粗味比較濃，加一兩啖湯就岩岩好，D牛腩好林好香，肥瘦適中，份量都好足夠。炸魚皮鬆脆，香口。