大快活 (Closed)

大快活既下午茶同大家樂既都差唔多價錢，但令我會食大快活既下午茶都係一隻燒髀，佢地既製法比大家樂出色，當然今次都唔例外。蜜糖燒雞髀都唔算太大隻，但勝在味道可口。表層有蜜糖，好似食緊BBQ既燒雞髀，而家仲有人燒埋比你食。而且味道又唔會太鹹，食完都唔會覺得口喝。紅豆冰唔錯，唔使加錢就有得飲。紅豆夠爽口彈牙，好想飲多杯啊。呢間大快活都好大，就算下午茶都唔難搵位。有個收盤既男職員好有禮貌，令到我食得好開心。