沙嗲王 (眾安街) (Closed)

我都有成差不多2、3年無食沙爹王，今日行開荃灣諗住回味一下！7點約咗朋友食晚，所以唔食咁飽，同老公點了2個下午茶，咖哩汁粉絲併即燒黑椒雞扒，另一款係明太子釀無骨雞翼配薯條！先講咖哩汁，熱、香濃咖哩汁、唔辣，食晒成碗粉絲都唔覺膩！不過我個人覺得咖哩汁配飯應該夾啲！雞扒唔覺即燒，熱，不過頗多油，無黑椒味！另一款明太子釀無骨雞翼，一般，唔油膩！掛住食唔記得影相！但配的薯條就走晒樣，成陣油益味！餐飲2杯熱檸水，飲落苦苦地，而且仲成陣爛檸檬味！飲咗2啖無飲了！總結今次嚟有少少失望！