瑞士咖啡室 (Closed)

今日去灣仔整D野，時間未到就同個朋友搵地方坐下。見到有間大快活，就諗住食個下午茶。上到去，見到呢間茶餐廳，轉呔想入去試下😁 入到去地方好大，座位又多，大部份都係架位，坐得舒服。呢度2點開始係下午茶時段，餐牌選擇比較多，真係花多眼亂。最後揀左鰻魚汁叉燒炒飯，同XO醬炒豬扒烏冬。下午茶份量都算唔少，不過炒烏冬D油就多左少少，豬扒就普通野。朋友話炒飯都OK，最好飲反而係杯熱奶茶，算係舊式餐廳味道，茶香奶滑。整體都覺得唔錯，價錢唔貴。下次去灣仔食飯又多個好選擇。👍😁