野菜咖喱事務所 Curry Man (Closed)

原本打算淨係post相，但個豬軟骨飯真係好味到要寫食評讚賞。下午茶但份量無減，仲有餐飲。家人對$34 咖喱牛肋條飯評價一般。咖喱偏稀，味道尚可，但牛肋條肉質稍韌，似乎過熟了。$28 豬軟骨飯，件件都好厚肉，大細平均。肉質軟滑，連住塊筋膜食冇得頂！肉汁嘅滋味難用筆墨形容— 肉香濃郁調味自然，濃淡適中，肉汁滲入薯仔同紅蘿蔔，回味無窮！講真淨係個汁香到可以撈晒成盒飯，每次搭車經過都有想落車買飯嘅衝動。至於環境... 唔想食塵的話，外賣就好。