台北巷弄 (Closed)

香港有好多間台灣芋圓店，真係好想試曬咁多間，但好難做到。今次黎到將軍澳試下依間餐廳，不過依家疫情太嚴重，只好買返屋企食，但都可以享受美食。之前去台灣旅行都好鍾意行夜市，每次都會揀鹽酥雞，今次有少少掛住鹽酥雞，所以就揀左。依間嘅鹽酥雞係細細舊，大小都差唔多，份量都好多，成碗都係鹽酥雞。佢嘅雞有醃製過，鹹鹹地同時幾香脆。不過唯一美中不足係淋左少少，但都好好食。仙草1號嘅材料有仙草凍、椰果同手工芋圓，佢仲有個花奶可以加落去，加左花奶會更加好食。仙草凍非常滑，食落唔會好水。手工芋圓有蕃薯圓、芋頭圓同紫薯圓，都算幾大粒，佢地比較硬身，唔鍾意軟身嘅人會好鍾意。紅豆2號嘅材料有紅豆湯、綠豆、仙草凍同手工芋圓。依個都係平時多數揀嘅組合，因為平時都好鍾意食煮到淋曬嘅紅豆、綠豆，豆沙感好正，冇牙都食到。