樸生•素食 (Closed)

一見到青衣城有新鋪我地OL 都即時試下新野，12點45分唔洗等位，見裝修和佈置都好時尚，坐落都好舒服，佢啲餐具都係訂製體印有鋪名。menu 下午有飯，麵，年糕揀，可以配不同菜料或湯底，大家見佢啲湯麵好唔引可以揀有湯汁又有唔同麵揀。都幾乎揀哂湯麵。下午仲有一杯飲品送。我就揀左素豬肉泡菜 蕃茄泡菜麵。點知黎到啲蕃茄湯係暖而唔係熱，佢個湯底其實好多蕃茄碎比想像中多料，最令我地好驚訝點解啲麵勁少，四注可以食完，其他人叫左唔同湯底既都係相同情況，連比較細食既女同事都一路食一路話實唔夠飽，可想而知份量真係好少。等佢飲品等左幾個字埋完單先拎黎。感覺人手分配不足。場內環境其實好好，不過佢啲音樂好大聲，啲員工落單都聽唔清楚，食客又食得唔安落。