囍雲天酒家 (Closed)

女朋友係聯合醫院返工，上星期六接完女友收工後，落返觀塘搵野食，不過假日真係度度都係人，最後想坐得舒服點就搵左囍雲天呢間酒樓飲下午茶。下午茶吾少得炒野，先叫左一碟乾炒牛河，河炒炒得好乾身，吾油膩，而且仲好夠鑊氣！牛肉又多,一d 都吾老。不過最欣賞都係酒樓加小小新意，落左蛋絲同芝麻，更香口！！我地仲叫左兩個點心，分別係生煎包同鮮蝦腸，生煎包煎得剛剛好，少少金黃冇燶到，咬落去啖啖肉仲有香葱味，誠意推介！而鮮蝦腸雖然簡單冇花巧，但見功夫，要做到薄而鮮蝦大，新鮮，爽，確實做到足了！同女友食完之後佢都讚好，仲話下次返早放工可以再黎，我就覺得佢坐得舒服，吾趕人走，伙記上茶水都快，美中不足之處就係要行遠小小，當飯後減肥吧！