紅蔥頭 (Closed)

如果可以都會3點過後去tea，因為周圍都無人，想食邊間就邊間。今日去Langham Place行街，走上樓上各餐廳睇menu，都係覺得哩間最吸引。下午茶餐通常乜都有，有湯、多士同餐飲，其實可以好飽。個橙汁係鮮榨，亦都加糖，因為有D酸就知，但我鐘意原汁原味。蜜桃芝士茄汁焗雞脾飯：估唔到連主菜都咁大份，不過賣相好吸引，可能人少關係，服務與製作水準都良好。個飯有好多汁，配蜜桃撈飯食真係可以成個食晒，雞脾都好夠淋，所以都好易食完，只是個茄汁有少少過鹹。結論係少人時間食飯係好享受，食物水準也比繁忙時候高。