Video
Read full review
2008-10-29
15 views
和朋友午膳，一早訂了枱，店方上午十一點到打黎confirm，打電話比我既人都幾有禮貌。環境方面，d枱排得密左d，不過裝修比想像中靚，感覺唔錯，夜晚黎會係d啱三五知己談心既地方。Set Lunch選擇頗多，豬牛羊雞魚蝦都有齊，總有一款啱心水！大家都食唔同既野，我揀左：西蘭花忌廉湯：冇咩西蘭花味，不過唔係罐頭湯，濃淡適中，合格。麵包(+牛油)：好味呀，暖暖地，外面少少脆，入面又軟熟，有d驚喜！牛油一早放左係枱面，處於半溶狀態，配上微暖的麵包剛剛好。雞扒配沙律薯菜：雞扒太鞋，有d失望。薯菜都OK，其實佢上枱既時候已經腍左，不過我又鐘意食腍既薯條，所以覺得好好味。此外也試過其他主菜，牛扒最好，下次可以一試。咖啡：香+濃，又係比想像中好！朋友們叫了心太軟，但我趕住返公司所以試唔到！佢地話好好食呀，好唔開心，錯過左甜品！下次一定要試！
環境方面，d枱排得密左d，不過裝修比想像中靚，感覺唔錯，夜晚黎會係d啱三五知己談心既地方。Set Lunch選擇頗多，豬牛羊雞魚蝦都有齊，總有一款啱心水！
大家都食唔同既野，我揀左：
西蘭花忌廉湯：冇咩西蘭花味，不過唔係罐頭湯，濃淡適中，合格。
麵包(+牛油)：好味呀，暖暖地，外面少少脆，入面又軟熟，有d驚喜！牛油一早放左係枱面，處於半溶狀態，配上微暖的麵包剛剛好。
雞扒配沙律薯菜：雞扒太鞋，有d失望。薯菜都OK，其實佢上枱既時候已經腍左，不過我又鐘意食腍既薯條，所以覺得好好味。此外也試過其他主菜，牛扒最好，下次可以一試。
咖啡：香+濃，又係比想像中好！
朋友們叫了心太軟，但我趕住返公司所以試唔到！佢地話好好食呀，好唔開心，錯過左甜品！下次一定要試！
Post