Video
Read full review
2013-10-22
819 views
今日同媽咪去朗豪坊UA睇戲，原本諗住係朗豪坊食，但商場D餐廳大部份都係連鎖，係邊度都有得食。媽咪話聽到D人講隔離有間叫朗晴坊，有好多野食，所以係套戲未開仲有個幾兩個鐘前就去醫飽個胃。朗晴坊差唔多八成鋪頭都係食架，好多選擇。媽咪想食泰國野，但我地得兩個人，雖然好肚餓，但好似有D難叫多幾款野食。最後，我地揀左三樓呢間紅廚房。嘩，間鋪頭都全滿，好好彩啱啱有人走，如果唔係我地就要等喇。難得同媽咪出黎拍拖，一於豪食。我地叫左個二人套餐， 包括芝麻醬沙律X2 湯X2 餐包X2 三文魚小食或春卷小食 西冷牛扒X1 煙鴨胸意大利飯X1 甜品迷你窩夫同飲品X2。媽咪仲加左個煎鵝肝。係等食期間，我上左Openrice 睇食評。點知。。。。普遍都話難食， D 相仲有D恐佈。我地仲叫左咁多。。。我點同媽咪解釋？首先黎左紅湯X2 餐包X2紅湯係羅宋湯 ﹣ 同出邊個D唔同，好多湯渣，唔係得水。。。仲好辣，真係好辣。媽咪話超辣 （但佢飲哂）餐包附上ANCHOR牛油獨立包裝，D牛油同牛油刀有細碟另上 ﹣ 媽咪話間餐廳都幾DUM本，ANCHOR牛油好貴喎 獨立餐廳好少見芝麻醬沙律X2D醬好好味三文魚小食 ／ 春卷小食三
最後，我地揀左三樓呢間紅廚房。嘩，間鋪頭都全滿，好好彩啱啱有人走，如果唔係我地就要等喇。
難得同媽咪出黎拍拖，一於豪食。我地叫左個二人套餐， 包括芝麻醬沙律X2 湯X2 餐包X2 三文魚小食或春卷小食 西冷牛扒X1 煙鴨胸意大利飯X1 甜品迷你窩夫同飲品X2。媽咪仲加左個煎鵝肝。
係等食期間，我上左Openrice 睇食評。點知。。。。普遍都話難食， D 相仲有D恐佈。我地仲叫左咁多。。。我點同媽咪解釋？
首先黎左紅湯X2 餐包X2
紅湯係羅宋湯 ﹣ 同出邊個D唔同，好多湯渣，唔係得水。。。仲好辣，真係好辣。媽咪話超辣 （但佢飲哂）
餐包附上ANCHOR牛油獨立包裝，D牛油同牛油刀有細碟另上 ﹣ 媽咪話間餐廳都幾DUM本，ANCHOR牛油好貴喎 獨立餐廳好少見
芝麻醬沙律X2
D醬好好味
三文魚小食 ／ 春卷小食
三文魚只有兩三片， 味道一般。春卷有多油。但係套餐送既。
煎鵝肝
媽咪話做法有D特別，有待改善
西冷牛扒（芥末醬）
OMG！！個賣相同之前人地posted個D完全唔同，靚得多了。同個餐牌比大份左超多，餐牌只有5﹣6片西冷，但一黎到，大份到不得了。食到呢度其實已經開始飽，雖然好浪費，但只好放棄所有配菜。建議點菜時可以問下食量，減少廚餘。或者唔好重覆沙律菜。煙鴨胸意大利飯
媽咪個煙鴨胸意大利飯都好有份量，好味，特別係鴨胸。但因為cream sauce關係，好“制”。汁太多了，對媽咪級女仕黎講太大份太多。由於唔想再浪費，我地話唔要個甜品。只點了普通咖啡同凍檸茶。
普通咖啡 ﹣ 一D都唔普通，咖啡面有一層薄薄既cream增強滑度口感，咖啡味有D重。但太夜飲，我成晚眼光光
凍檸茶 ﹣ 媽咪話好有大排檔風味，唔“give"喎
無失望有驚喜，食得太飽睇戲時無得再買爆谷食。
Other Info. :
埋單前用Facebook like 佢地個page 有折 餐廳有免費Wifi 可上網
(The above review is the personal opinion of a user which does not represent OpenRice's point of view.)
Post
