Video
Read full review
2021-09-25
1204 views
我早兩日打電話去book枱，個呀姐都幾唔客氣，話full左叫我Walk in，就cut鬼咗我線😒作為小學🐽嘅我，當然打返個電話過去，問完佢幾點可以walk-in，又cut返佢線，條氣順返晒😂我哋一行三人5:30就到，早食飯其中一個好處就係唔多洗排隊，我地食飽飽都差唔多7:30走，走嗰時就真係好多人。講返嘢食，我哋三個人，總共叫咗六碟菜，一碟炒粉，同埋兩支啤酒。其實我嚟之前就已經食咗個好chill嘅下午茶打底，而叫咁多碟菜唔係我哋特別大食，係佢啲菜真係好鬼細碟，但係每碟都唔使過$100，好處就真係可以俾你試多啲嘢。脆皮炸大腸 $78 ☹️我真心覺得麻麻地，上枱嗰時熱辣辣，但係炸得over左，好似食緊薯片咁，都食唔到入邊啲腸，失望。椒鹽九肚魚 $78 🙂上枱嗰時都係熱辣辣，炸漿唔厚，鬆脆，入面嘅九肚魚好嫩滑，亦都唔會太鹹，伴啤酒食幾好，唔錯。帶子炒西蘭花 $98 😐份量好細，帶子好細粒，但好處係真係唔鹹，同我自己炒嘅差唔多，無感。生炒骨 $75 😐調嘅味係正常偏酸，但真係冇乜肉，剩係得舊骨，普通料。乾炒肉片河 $78 😐幾有鑊氣，肉片就唔好提，雪藏野，反而啲河粉得幾煙韌，可惜就碎左啲，個辣椒
我早兩日打電話去book枱，個呀姐都幾唔客氣，話full左叫我Walk in，就cut鬼咗我線😒
作為小學🐽嘅我，當然打返個電話過去，問完佢幾點可以walk-in，又cut返佢線，條氣順返晒😂
我哋一行三人5:30就到，早食飯其中一個好處就係唔多洗排隊，我地食飽飽都差唔多7:30走，走嗰時就真係好多人。
講返嘢食，我哋三個人，總共叫咗六碟菜，一碟炒粉，同埋兩支啤酒。其實我嚟之前就已經食咗個好chill嘅下午茶打底，而叫咁多碟菜唔係我哋特別大食，係佢啲菜真係好鬼細碟，但係每碟都唔使過$100，好處就真係可以俾你試多啲嘢。
脆皮炸大腸 $78 ☹️
我真心覺得麻麻地，上枱嗰時熱辣辣，但係炸得over左，好似食緊薯片咁，都食唔到入邊啲腸，失望。
椒鹽九肚魚 $78 🙂
上枱嗰時都係熱辣辣，炸漿唔厚，鬆脆，入面嘅九肚魚好嫩滑，亦都唔會太鹹，伴啤酒食幾好，唔錯。
帶子炒西蘭花 $98 😐
份量好細，帶子好細粒，但好處係真係唔鹹，同我自己炒嘅差唔多，無感。
生炒骨 $75 😐
調嘅味係正常偏酸，但真係冇乜肉，剩係得舊骨，普通料。
乾炒肉片河 $78 😐
幾有鑊氣，肉片就唔好提，雪藏野，反而啲河粉得幾煙韌，可惜就碎左啲，個辣椒醬都酸酸地辣辣地，但又好似唔係冠益牌，好夾個炒河粉，整體ok。
妹記小炒王 $88 😐
鑊氣都夠，唔太鹹，伴酒都唔錯，ok啦。
金沙魚皮 $58 🙂
呢個伴酒一流，個魚皮炸得好脆口，鹹蛋黃醬超多，我覺得多得滯添，但真係幾好食。
小食嘅質素比主菜好，冇咩甜品食，唯有臨走摸幾下隻肥喵當甜品，感覺唔錯🐽
綜合評分：4/10😐普通大排檔，價錢好似幾平，冇咩菜式過百蚊，但份量太少。肥喵太得意，真係要得閒嚟探下佢+1，5/10🙂
「好食柒級🐽」：
☹️👹極度難食，中伏 very very bad bad
☹️難食 very bad
🙁幾難食 bad
😐普通no good no bad
🙂幾好食good
🤤好食 very good
🤤😇好鬼好食，必試 very very good good
Post
