Lucky Ristorante (Closed)

今朝遲起身返工，好彩老世唔會理我，食埋個Brunch先返工😎仲約埋個朋友食早餐，大家係附近食完剛好，我地都係第一次黎到，我地食過覺得好好食😚都係第一次寫食評！！入面既環境都幾有特式😍完全有Cafe同外國餐廳既感覺，環境好四正企理，似係新開咁乾淨，外面仲有一個小露台，呢度既職員都好親民，好有禮貌🫰🏻天婦羅海苔魷魚🥰呢間主打西式菜式，無想過原來會有一款係日式小食，用魷魚做出天婦羅，創意分滿分，好好食，再加上海苔，令到成個味道都提升了！全日早餐🥰呢一份早餐可以講好大份，入面有好多料，腸仔做得好食，煙肉好有煙煙燻既味道，呢度既用料都唔錯，睇到太陽蛋好新鮮，用靚蛋，除有菜之外，仲有埋牛角包，今餐好滿足！花之戀（煙三文魚，三文魚籽）班尼迪蛋🥰呢一份西式既花之戀，就咁睇就擺得好精緻，佢既包都有特別加熱過，然後上面放到滿一滿，鹹鹹地既味，真係好食！檸檬茶🥰呢杯都幾大，中間有幾片檸檬，當然係檸檬茶啦，夠涼又好飲！奶茶🥰食到飽飽就要飲返杯奶茶，好有奶香同時又有茶味！