茶語

Open Now

Now Closed

2020年10月25日同同事有啲整野。去左大埔整野。就順便係大埔食晏。咁岩同事話想食台灣野。見到呢間幾多評就試下。點知一試就中伏咁岩下午茶。就叫下午茶試下。我地叫左個F7迷你炸雞翼米線。同埋F8迷你肉燥飯。配青瓜同雲耳。飲珍珠奶茶同仙草。落單呀姨連行都唔行埋嚟。直接喺背脊問要咩呀。又聽唔到講乜。要講勁多次。態度麻麻價錢偏貴。勁細碗。但都算多飯。勁似食緊鹹肉糭。都係茶木好食。 兩個小菜就黎大過碗飯。青瓜我覺得麻麻地。成餐最值得讚既係個雲耳。普通野珍珠奶茶係普通野。不過不失。個仙草一啲都仙草。勁涼粉。硬身既。同事話只要係夠熱佢就覺得好食。我就覺得超級普通。埋單嗰陣。明明已經有個侍應企左喺收銀度。但佢寧願同水bar 個男仔傾計都唔收錢。同埋佢間野真係勁細勁逼。同事話好有台灣特色，夠曬細間。夠曬逼！所以我個人來講呢間餐廳唔會有下一次。