Video
Read full review
2014-07-19
1626 views
其實一直有聽人提起呢間下一站甜品，睇雜誌都有介紹但我好少會自己去食甜品，店舖搬去旺角唔近地鐵站，對我呢個懶鬼更是越離越遠了因此一直只有睇相聽講的份，想試又冇人一齊:^(先前同吃貨朋友講起我冇去過黑布街搵食佢馬上驚訝樣話要帶我去好啦，今次有人陪終於可以一嚐聽講係幾位由Renaissance萬麗海景酒店既甜廚合資開既如果有睇過我之前食評既朋友們大概都知我真心幾中意呢間酒店既甜品老實講我對佢地既質素都會有d信心（起碼知道個底一定唔會係好差唔會中大伏所以可能興奮得滯會打太多請見諒XDDDDDD環境其實不錯，感覺闊落唔使背貼背重點係佢夠光睇得清又可以唔用閃光燈……我有d潔癖，講真會擔心甜品舖痴笠笠好污糟咁但呢度既衛生情況不錯，至少可以安心食唔係坐立不安趕住走（Y）栗香紫薯山係Instagram不時見有人post既比起山，我覺得更似火車XDDD栗蓉落左兩層，唔使講真係好大方，呢點已經令我地未試先有好感幼滑可口，甜度不高，佔量多到咁都係唔會覺得甜膩食落會好清楚感受到天然既栗子香味，唔係靠香精香油中間係雲尼拿雪糕，香甜奶滑，都係果句味道自然然後就係紫薯蓉啦！！！！！未食呢部分之前，我已經試左佢用黎裝飾
但我好少會自己去食甜品，店舖搬去旺角唔近地鐵站，對我呢個懶鬼更是越離越遠了
因此一直只有睇相聽講的份，想試又冇人一齊:^(
先前同吃貨朋友講起我冇去過黑布街搵食
佢馬上驚訝樣話要帶我去
好啦，今次有人陪終於可以一嚐
聽講係幾位由Renaissance萬麗海景酒店既甜廚合資開既如果有睇過我之前食評既朋友們
大概都知我真心幾中意呢間酒店既甜品
老實講我對佢地既質素都會有d信心（起碼知道個底一定唔會係好差唔會中大伏
所以可能興奮得滯會打太多請見諒XDDDDDD
環境其實不錯，感覺闊落唔使背貼背重點係佢夠光睇得清又可以唔用閃光燈……
我有d潔癖，講真會擔心甜品舖痴笠笠好污糟咁
但呢度既衛生情況不錯，至少可以安心食唔係坐立不安趕住走（Y）
栗香紫薯山係Instagram不時見有人post既
比起山，我覺得更似火車XDDD
栗蓉落左兩層，唔使講真係好大方，呢點已經令我地未試先有好感
幼滑可口，甜度不高，佔量多到咁都係唔會覺得甜膩
食落會好清楚感受到天然既栗子香味，唔係靠香精香油
中間係雲尼拿雪糕，香甜奶滑，都係果句味道自然
然後就係紫薯蓉啦！！！！！
未食呢部分之前，我已經試左佢用黎裝飾既紫薯蓉
香氣非常清新，即時係諗起平時我婆婆係街市買番黎既紫薯
甜度當然不會太高，綿密香軟，食係食佢原味
本身好驚底部既蛋白餅會太甜
但佢只係微甜，仲要好酥脆好香口
同之前一直食既薯蓉栗蓉雪糕既軟滑感有d對比
脆糖片甜味不重又夠自然
應該係用番石榴糖漿製成（因為見佢飲品都係落Grenadine Syrup
不過朋友就話唔係好中意，覺得個樣唔係好靚:^0
暖拖肥泡沫呢個係店方推介既
（朋友食過呢間想試新款，但我地決定唔到唯有問啦XDD
拖肥泡沫十分細滑綿密，唔會有大氣泡
拖肥味重，但因為唔係平時黏牙既感覺，甜得黎唔會膩
我地用佢黎點面頭插住果塊杏仁脆餅食
薄脆香口既脆餅配上綿密豐厚既泡沫，很大對比，卻是無比相配
中間既特濃咖啡啫喱咖啡香味甚濃
可惜佢既質感唔似啫喱般爽口，反而帶點黏性膠質感
即使啫喱帶點苦香而非甜味，但食落都好易會覺得膩
底層既係Bailey's奶凍
酒味香醇，甜而不嗆，奶凍香滑不膩
同朋友不約而同認為難得找到了沒有膩感的奶凍
其實佢仲有香蕉片，香甜清新，總覺得有點解膩了
雲尼拿雪糕就不另提了，甜度稍高
但因其他部分唔太甜，整體唔會過度甜膩
栗子拿破崙朋友話一般食開得芒果拿破崙，想試栗子特別d
一上枱睇個份量都幾大，真係可以兩個人一齊輕嚐
朋友影相又係影十年咁，我真係影完坐係到用手機上網等佢
之前講過佢用料不手軟，呢道甜品都係，栗蓉多過出面見到既成倍有多，有相有真相
栗蓉濕潤香滑，自然容易滲濕氣入去酥皮度，我地都有心理準備
點知搞左咁耐，一切，「咔嚓！」
即刻驚艷樣，佢仲係保持到好酥脆
栗蓉都係果句味道自然順口，唔會一味死甜
酥皮帶淡淡牛油香，感覺亳不油膩，放左咁耐仲咁酥香薄脆，怎能不給它拍拍手？
一旁既金寶餅碎甜而不膩，算鬆脆，但我諗只係裝飾，同主體冇咩聯系……
另外就係面頭既裝飾有點怪怪的
講真蛋白餅都食得過既，但無啦啦加蛋白餅又加脆糖片
無論係味道定賣相，個感覺同主體真係唔多襯
Less is More
只係加塊朱古力片，可能寫埋店名定點其實已經夠哂數，唔使搞咁多野
Banana Smoothie我地冇預過係咁大杯:^0
認真呢d都好難失手
我亦都冇咩可以評，只係話佢既味道幾清新自然，唔係好甜，飲落唔會膩囉
Red LightIt's a red light light...（唔好咁
呢杯係草莓汁、橙汁、菠蘿汁、青檸汁加番石榴糖漿而成的
甜中帶酸，飲到有果肉既，仲好有果香，個人認為幾開胃既
朋友試過就話d味有少少假有d人工咁，可能係因為d糖漿:^|
當日係平日下午，但都有不少客人到訪
睇Instagram都成日有人打卡咁，應該都幾旺場架
好彩果日有位有時間俾我地可以hea下吹下水
（重點係俾時間個朋友影相……佢真係可以影到永遠，＿＿。）
我地搞咁耐都冇店員白眼，有咩要求都好肯幫手
服務方面已經是合格的
走出店舖，熱氣即時湧上黎包圍全身
唉無計夏天係咁
沿路見到好多食店都好想試，係咁催促朋友約飯局XDDD
以後去旺角真係要唔嫌遠去下黑布街果頭覓食先:^0
Post
