Video
Read full review
2007-06-28
7 views
大型聚會之後, 大家一齊開飯, 最後行了過來土耳其- 餐廳.對土耳其的印象, 除了大白鯊同大教堂, 就係街頭的串燒. 如今係女人街入面有這小店, 都幾奇特. 聽完背後的故事, 又一個尋找他鄉的血淚史. 三個土耳其藉的男士把守開放式廚房, 應該幾正宗.上次兩個人食試得不太多, 今次10個人就試多點了.土耳其紅茶: 8分, 先一人一杯土耳其紅茶, 送的, 不另收費, 仲係任飲. 加小小沙糖飲, 幾香, 不太濃, 跟飲開的中西茶都不同.豆蓉湯: 7分, 幾重豆味, 算不錯.轉轉燒: 8分, 掛頭牌的轉轉燒, 即係卡巴, 當然唔係下落不明的卡巴臣. 在店外可以清楚見到整個製作過程. 只有兩部機的緣故, 每日只做兩款. 來過兩次都叫試盡三款, 以羊肉最出色, 但雞牛也不俗. 當然羊肉的騷係最配合卡巴的味道.一客有兩件, 相當大份. 剛烤好的肉熱辣辣, 帶點香味, 跟上蔬菜同生洋蔥, 伴醬汁一起食係不錯的.當然不能跟大白鯊的比, 但總算幾惹味的.土耳其田園沙律: 7分, 清新, 沒有太多醬汁, 能夠吃出蔬菜的鮮味.土耳其雜錦轉轉燒肉配飯: 7分, 這碟係轉轉燒肉跟飯, 跟上薯條同蔬菜, 撈在一起吃
對土耳其的印象, 除了大白鯊同大教堂, 就係街頭的串燒. 如今係女人街入面有這小店, 都幾奇特. 聽完背後的故事, 又一個尋找他鄉的血淚史. 三個土耳其藉的男士把守開放式廚房, 應該幾正宗.
上次兩個人食試得不太多, 今次10個人就試多點了.
土耳其紅茶: 8分, 先一人一杯土耳其紅茶, 送的, 不另收費, 仲係任飲. 加小小沙糖飲, 幾香, 不太濃, 跟飲開的中西茶都不同.
豆蓉湯: 7分, 幾重豆味, 算不錯.
轉轉燒: 8分, 掛頭牌的轉轉燒, 即係卡巴, 當然唔係下落不明的卡巴臣. 在店外可以清楚見到整個製作過程. 只有兩部機的緣故, 每日只做兩款. 來過兩次都叫試盡三款, 以羊肉最出色, 但雞牛也不俗. 當然羊肉的騷係最配合卡巴的味道.
一客有兩件, 相當大份. 剛烤好的肉熱辣辣, 帶點香味, 跟上蔬菜同生洋蔥, 伴醬汁一起食係不錯的.
當然不能跟大白鯊的比, 但總算幾惹味的.
土耳其田園沙律: 7分, 清新, 沒有太多醬汁, 能夠吃出蔬菜的鮮味.
土耳其雜錦轉轉燒肉配飯: 7分, 這碟係轉轉燒肉跟飯, 跟上薯條同蔬菜, 撈在一起吃, 味道都幾好. 但感覺上總覺得卡巴先係正路的食法.
土耳其米飯布丁: 6分, 真的不太對口味, 很重奶味, 並不像在吃甜品. 大大碗, 吃不完了.
整體來講, 味道算吸引的, 服務幾好, 為我們十個人一起坐弄來弄去, 不太貴, 都值得試一下的.
大家說著說著, 又過了愉快的一晚.
Post
