阿利水韓國料理 (Closed)

今日因爲落雨，所以就唔去太遠食啦。行過見到有位，又未食過所以就去試下啦。個餐牌係韓中對照，一見到咁多韓文就覺得好似好正宗咁，哈哈。而且同係大部分既韓式食店一樣，都有芽菜同泡菜提供。呢樣都係我好欣賞既地方，因爲我實在太鍾意食泡菜喇！黎到唔想叫d平時成日食到既泡菜炒飯、石鍋飯呀咁，見到韓式海鮮手打麵好似幾得意所以就揀左呢樣喇。有辣同唔辣既，咁但係食韓國野唔食辣邊過癮嫁，所以就叫左個小辣喇。黎到已經聞到個麵好香，係辣味散發出黎果種香氣，正！而且個麵非常足料，有好多海鮮，蝦、蜆、魷魚，蝦同魷魚都彈牙既，而且d辣味同香氣係滲透晒落d海鮮度。最後不得不提個手打麵，彈牙爽口，再索埋個湯底，一個字 - 正！不過份量方面，可能會比較適合女仔，男仔既話我怕會唔太夠。估唔到因爲落雨比我意外發現呢間餐廳，睇黎我既食堂又多一間了。