阿利水韓國料理 (Closed)

今日因爲落雨，所以就唔去太遠食啦。行過見到有位，又未食過所以就去試下啦。個餐牌係韓中對照，一見到咁多韓文就覺得好似好正宗咁，哈哈。而且同係大部分既韓式食店一樣，都有芽菜同泡菜提供。呢樣都係我好欣賞既地方，因爲我實在太鍾意食泡菜喇！黎到唔想叫d平時成日食到既泡菜炒飯、石鍋飯呀咁，見到韓式海鮮手打麵好似幾得意所以就揀左呢樣喇。有辣同唔辣既，咁但係食韓國野唔食辣邊過癮嫁，所以就叫左個小辣喇。黎到已經聞到個麵好香，係辣味散發出黎果種香氣，正！而且個麵非常足料，有好多海鮮，蝦、蜆、魷魚，蝦同魷魚都彈牙既，而且d辣味同香氣係滲透晒落d海鮮度。最後不得不提個手打麵，彈牙爽口，再索埋個湯底，一個字 - 正！不過份量方面，可能會比較適合女仔，男仔既話我怕會唔太夠。估唔到因爲落雨比我意外發現呢間餐廳，睇黎我既食堂又多一間了。

6點左右去,商業區,不用等位點了套餐有炸雞,飯卷,冷麵,泡菜餅炸雞,無乜味,不過夠嫩夠熱.  冷麵,煙煙UNUN的,有D酸,好味 泡菜餅,熱辣辣,都真係夠泡菜味,唔會好粉,不過真係趁熱食,凍左會好油紫菜飯卷,可以揀牛,雞,豬,今次揀左牛,都好好味,內有黃瓜,帶酸,又有菠菜,飯唔會散仲散叫左個豆腐海鮮湯,跟白飯.好夠味,有D蜆肉,蔥等,辣辣地,不錯

今日我哋來試呢間韓國菜，裏面好細，坐得好迫。因為今日都比較肚餓，所以就決定食海鮮石頭飯。飯未到之前當然係嚟咗前菜先，有啲O嘴，份量真係少得可憐🤦🏻‍♀食落個味道都OK。個飯嘅份量都不算少，賣相唔錯，熱辣辣，冬天食就最啱👍🏻海鮮有魷魚、青口、蜆肉，幾好味👍🏻都會再幫襯嘅因為價錢唔貴，同埋都幾好味，前菜份量多啲就會更加好。

友人難得下午有空，過嚟鰂魚涌共晉午餐中午時間係鰂魚涌搵位食飯簡直難過登天尤其係呢間韓國食店門外次次都大排長龍今次難得友人過嚟鰂魚涌同我食飯，就算大排長龍都要帶去食啦門口採取自律制，寫人數同自己個名係門口張紙，然後耐心等候可能當日落好大雨，所以等一陣就有位嚟到先有小菜少有嘅青瓜泡菜同薯仔泡菜，味道唔錯我叫咗海鮮面大大碗海鮮面材料份量十足，有大量海鮮同配菜如洋蔥，椰菜面質尚可，因為其他店舖多數較粗身，呢道面因爲偏幼，掛湯能力一般友人則食豬軟骨烏冬FYI,數量都幾多

難得比平常早一點出來吃飯，選擇了這家韓式餐廳。今天想食清清地，點了個「蛤仔刀削麵」，蛤仔份量都唔算少（食完數數都有8隻殼），麵條如果下以再「林」一點會更合我胃口，但整體已經很不錯了。湯亦被我喝了許多，只是少不了湯底會有少量的殼/沙，但味道真的很鮮甜。推介！

是日放假行山去!! 去鰂魚涌站附近簡簡單單行個柏架山~~ 上山之前就梗係要食飽飽先啦 , 撞正lunch 食飯人流之前, 老闆都竟然俾我地兩日坐4 人枱, 好舒服呀!! 韓國店出面無中文店名架, 得韓文, 心思思又想食紫菜飯下, 就入左去試一試問左店員無得雙併, 一係就每隻味一條好啦, 都想試多隻味既, 就分開叫左芝士, 牛肉各一條紫菜飯, 芝士上到枱, 大大條, 好粗, 份量好足, 芝士又大粒, 食落口紫菜好爽, 咸咸地, 仲好味過上星期去韓國食果d !!!!! 上面有少少芝麻, 更加香口!!! 紫菜飯, 牛肉牛肉都好味, 不過無芝士咁驚喜, 牛肉好大卷, 不過就唔算好入味, 紫菜同飯依舊好正另外, 仲叫左個蕃茄牛肉烏冬份量係少左d , 有幾條牛肉, 一個細烏冬量, 好大碗蕃茄湯正常味道, 下次可試其他麵類~

第一次lunch幫襯, 點了牛骨湯定食,  碗內只得2片牛肉同麵線, 問店員係咪本身得咁少牛肉, 佢都唔知...湯 -飲唔到牛肉味, 反而帶有味精粉既味道.  不值$80.

同事提議午餐去食韓式料理, 於是走到頗多食店的濱海街, 其中一間叫"阿利水"的韓式小店.  這間在尖沙咀亦有分店。店內位置坐位不多, 午市時間須等位.  幸好我們午飯時間較晏, 到達大約1時四十五分, 等了幾分鐘就入座.  我們6人, 同事們大致都愛吃這家的牛肉什錦石頭窩飯, 份量足料, 我試了一片牛肉亦非常入味.  而飯有跟蘿蔔湯。而今次我點了"牛肉泡菜什錦冷麵": $65（冷麵不包蘿蔔湯）上菜時看到舖滿帶紅椒既醬汁，心諗會唔會太辣呢？但點之前問過店員，說只是少辣度。幸好試了真係只是輕微辣，仲帶點酸酸地，醬汁豐富麵質，提升冷麵深層味道！用了傳統韓式器皿剩裝，令冷麵保持涼度。牛肉也一樣肉嫩多汁。配菜：半只蛋，青瓜絲，紅蘿蔔絲，大豆芽，泡菜。切成絲狀容易跟冷麵一同入口。材料新鮮爽脆。冷麵麵質較幼細，質感軟滑既爽，沾上涼了的辣汁，舌尖頓時一爽，醒一醒神，為下午繼續衝刺！份量夠大 我一個人食唔哂。這間小店 阿利水既食物 中規中矩，係一個平價韓式料理唔錯既選擇！前菜：薯仔，大荳芽，青瓜Re姐推介指數：3/5

食物太淡(冷面) 一係太咸 (泡菜餅)但人參雞湯唔錯！碗筷淋痴痴 未食完就趕收碟 不知所謂 禁趕就八點鐘last order吧！服務態度太差  唔會再泥！點解尖沙咀嗰間多啲哈哈笑係有原因的！如果想客似雲來，改下啲態度啦。

路過這區,不以為然走到這間韓國料理,在門面睇了一陣子,見門口有米芝蓮推介2013的標貼,便唸都應該唔錯,所以我們二人便試吓.間舖面細細的,地方有一點舊,可能我們進入時比較早(6:30左右)只有三個人客(二枱)我們座下,便點了一個水餃麵,一個牛肉年糕和半份8件的「星星」炸雞.都是先送上小食,後上其他;小食的三種是芽菜,泡菜跟薯仔.水餃麵味道一般牛肉年糕比較好味, 年糕黏黏韌韌.半份8件的「星星」炸雞, 香脆可口,但我覺得比較淡,配了醬料食用,雞肉都唔錯.總括都算是可口,但此環境結算要差不多三百元,我就覺得有一點貴了.

BOOK位喇！宜家天氣真係好辛苦，企一陣都滿頭汗冇得BOOK位，咁我就早少少去拎位啦，但係要齊人先入得喎......OHLEE度好得意，等位係自己喺板到寫低人數同貴姓架......終於等到朋友到了，咁就可以等安排入座LU我地叫左兩個SET SHARE前菜AND湯前菜味道唔錯喎，個蘿蔔湯清清地但都有味架鐵板牛~~~味道不錯，但牛就碎左D，配料都好好味喎黑豚肉石頭窩飯~~~味道可以，但個石頭窩唔夠熱冇飯焦呢！LEE度食物好普通，冇話有乜特別又唔係特別差

上星期食過坐忘發現個邊原來都幾多餐廳喎，而且仲幾多人等位添，今個星期又返去個條街，揀中呢間韓國餐廳。有趣地等位係寫名同人數係門口張紙度，我地咁岩就係第一張要等既等緊個時已經揀好食咩，一入去就可以落單，之後就上小食喇，3樣都唔辣既，普普通通啦我叫左牛肋骨蘿蔔湯，有d失望唔係用傳統黑色個碗上，而且個湯有d似味精湯，唔係個種夠火喉既湯底，不過d牛肋骨好林，唔洗點咬都食得~ 個底仲有d粉絲，所以都幾飽同事食豆腐花辣湯，雖然係紅色咋，不過都唔係好辣咋，同埋係落左一堆辣椒油係染色加味，唔係煲到辣... 有d肥加失真個雖然係韓國主廚，但似乎有d唔夠正宗

透過團購買了炸雞啤酒餐($98)，沒錯，星星熱的關係所推出的團購是也！由於朋友也有興趣(查實是他們告知我有這團購項目的)，故買了一個試試！一份炸雞餐有兩罐啤酒或汽水，八件雞，份量不大，因為不是每件雞都啖啖肉，有兩三件是雞背位置，骨較多，就算啖啖肉的雞件都有點像一開二之嫌，不像連鎖店的大件。不過，這原味炸雞做得不錯，脆漿不厚，很香脆，調味對味，也夠入味，加少少辣少少酸的沾醬同吃很惹味！跟餐還有雜菜絲沙律及醃蘿蔔。啤酒較 light，夠冰凍，很爽呢！4人到來當然不會只吃炸雞就夠啦！我們另外點了一客二人餐($320)，原來是有人參雞的，但已售罄，所以換了牛骨粉絲鍋，初時還對這牛骨湯很有期望，因為在首爾吃的一般都很夠濃，牛味超足嘛！誰知這裡的根本完全是另一回事，首先湯的色澤不是雪白牛骨啺的模樣，而是黃澄澄的，呷一口味道帶微酸...我完全不懂怎麼評論，但確實不是我認識的牛骨湯呢！牛肋骨份量不多，4-5小件，粉絲也是很少，整體不好，讓人大叫回水！繼而到來是鐵板牛肉，應叫鐵板肉碎才對，本身份量已不多，牛肉碎濕濕像吃肉末，回想起來平時午餐也是這樣，是我不對，不應點碎牛囉！味道一般而已，沒啥特別。海鮮煎

由星星一劇的帶動，買了2張 團購coupon (8件雞十2罐啤酒）。可惜換來不愉快的一餐！！第一：早一曰訂枱時一說明用 coupon , 對方立刻說「冇位」！😠😠隔了一陣，再打只説訂枱，這次對方反問是不是用團購，等了一下才說有枱。第二：我們一行3人，給了那2張 coupon 比店員，但立刻說只可用一張！店員說3人只可用1張，4人才能夠用2張！😡是不是應為我們不能吃掉16件雞，我們又不是不 order menu 上的食物！定是要立刻叫多個朋友來？！！最後都接受了我用2張。激死😠😠我們 order 了客韓國飯。炸雞上枱，飯的味道還可以，雞件冇味！只有雪藏味！！又切到隻腿一件件少少D，駛唔駛咁孤寒。。？！某連鎖店的炸雞都好食多多倍！！唯一可取是那點雞的 sauce ，好味，用來點飯，菜，都好食過點雞！😩😠😠第三：說明飯後會帶走那4罐啤酒，怎知只給了3罐？！是不是3人3罐，4人才4罐？不是 coupon 上寫明每一份跟2罐？現在反而人頭計？😠😠我們已吃得不快，走亦走得不快，不再同他們理論，只是這店不 再 回 頭！！！😠😠😠😠

睇完來自星星買左張coupons 食韓式炸雞加啤酒，試下係咪咁好味，訂左18:30，三人行叫個二人套餐加炸雞啤酒，套餐有鐵板牛肉，泡菜餅，人參雞，雞肉石頭飯，份量超多，三個人都食唔哂。初初諗住套餐一定整定貨色，但鐵板一上，煙霧彌漫，牛肉加洋蔥味道出色。人參雞比想象中不一樣，原先諗住一隻雞上，嚟到雞已擦散，人參唔係原枝，不過雞參味好出，味道唔錯。泡菜薄餅味道較咸，辣味唔夠，一般。石頭飯熱辣辣好味，最正係d飯焦。最後當然係炸雞，脆醬一流，加辣椒醬食再送啤酒原來正係幾過癮，一定要試