喵一下 (Moved) New Location

今晚同媽咪去食台灣菜，估唔到呢間環境裝修咁雅緻嘅懷舊文青咖啡店竟然有咁認真嘅菜式喎😋。今日下午開始凍，所以我地先點一個台式火鍋，配上花旗參桂圓杞子紅棗茶， 兩款都係冬天先有嘅季節限定。火鍋湯底係甜甜嘅壽喜燒鍋，再配上幾款配料，店家話都係從台灣運過嚟嘅， 保証百份百正宗台味。我最鍾意佢地嘅餃子，餃子皮好煙韌，肉餡味道又夠濃郁。另外我地仲叫左個套餐，係店長極力推介嘅。四道菜包括前菜、湯品、主菜同埋一份主食。本來應該仲有甜品嘅， 不過我地想食完先再決定食咩甜品。😊套餐嘅主菜係烏龍茶燻雞，微焦嘅雞皮有好香炭燒味，加上淡淡嘅茶香味，雞肉都仲好嫩滑。菜三小碟係台式漬物，酸酸甜甜好開胃。湯品係苦瓜鳳梨雞湯，好香甜。最後仲有個麻醬麵，麻醬好香， 麵質煙煙韌韌。不過食完都幾飽， 我地結果食唔到甜品了😅。P. S 聽講佢地嚟緊都會用呢個燻雞做聖誕大餐。會有早鳥優惠添噃，23號前訂座都有discount。