Video
Read full review
2008-06-17
相隔兩個月，大伙兒又再搞個聚會見見面。tradce姐話要食意粉烏冬，搵左幾間，問埋其他人，最後揀左呢度，因為偷佢最近最就手。要了2個set : 意粉專家套餐 A特色龍蝦湯 : 自從有次食tea試過一啖後就唔再飲，所以今次無要到，但聞到好重龍蝦味。芝士焗龍蝦帶子天使麵 : 食落去很糊很粉無咩汁，幾乎可以當cake咁切一份。香芒鴛鴦三文魚意式飯 : 意式飯幾好味，朋友話係用芒果味淋上D飯度再拎去焗，所以食落甜甜地。不過芒果就唔掂，焗完變左怪味，口感好唔得。 意粉專家套餐 C托斯卡尼薏米蕃茄湯 (配香脆麵包條) : 湯勁酸，有D油浮係面，睇見已經唔太開胃。薏米感覺怪怪地，因為總覺得係平時阿媽煲既老火湯先至有；蕃茄粒如果煮耐D會更好味。附送麵包條朋友要左，無試但見佢勁脆。焗巴馬臣雞扒扁意大利麵 : 吉列雞厚切，啖啖肉，的確好適合食肉獸，不過層皮稔曬，而且明明話有層芝士包住雞扒，但食左幾啖都唔見有。另外，勁多配菜，紅蕃茄綠翠瓜黃蛋絲......一黎colorful二黎感覺健康，值得一讚。超級什錦薄餅 : 要了薄批，批底真的幾脆身，芝士很多，多到可以扯住，不過食落又唔覺heavy。其實食物質素一
tradce姐話要食意粉烏冬，搵左幾間，問埋其他人，最後揀左呢度，因為偷佢最近最就手。
要了2個set :
意粉專家套餐 A
特色龍蝦湯 : 自從有次食tea試過一啖後就唔再飲，所以今次無要到，但聞到好重龍蝦味。
芝士焗龍蝦帶子天使麵 : 食落去很糊很粉無咩汁，幾乎可以當cake咁切一份。
香芒鴛鴦三文魚意式飯 : 意式飯幾好味，朋友話係用芒果味淋上D飯度再拎去焗，所以食落甜甜地。不過芒果就唔掂，焗完變左怪味，口感好唔得。
意粉專家套餐 C
托斯卡尼薏米蕃茄湯 (配香脆麵包條) : 湯勁酸，有D油浮係面，睇見已經唔太開胃。薏米感覺怪怪地，因為總覺得係平時阿媽煲既老火湯先至有；蕃茄粒如果煮耐D會更好味。附送麵包條朋友要左，無試但見佢勁脆。
焗巴馬臣雞扒扁意大利麵 : 吉列雞厚切，啖啖肉，的確好適合食肉獸，不過層皮稔曬，而且明明話有層芝士包住雞扒，但食左幾啖都唔見有。另外，勁多配菜，紅蕃茄綠翠瓜黃蛋絲......一黎colorful二黎感覺健康，值得一讚。
超級什錦薄餅 : 要了薄批，批底真的幾脆身，芝士很多，多到可以扯住，不過食落又唔覺heavy。
其實食物質素一般，但算係一個同朋友聚會唔錯既地方。另外，服務挺好，不斷有侍應同你斟水；即使門口排左成堆人，但都唔會逼人走，結果我地食左差唔多兩個鐘先走人。
Post
