Next Station Dessert (Closed)

呢日去旺角買完嘢，得自己一個，悶悶地見口痕，即刻search下附近有咩糖水舖，搵到呢間「Next Station」，睇來幾受歡迎，一於試下。環境幾唔錯，用屏風分開兩邊，喜歡望街可以坐近門口，想靜靜品嚐美食談心嘅話可以入去坐。我點了餐廳的人氣item——綠茶心太軟配野莓乳酪雪糕（$58）。心太軟即製，等了大約20分鐘。賣相同menu相有啲出入……不過味道搭救。野莓乳酪雪糕酸酸地又有野莓粒，好清新，而且雪得夠硬。心太軟嘅綠茶味好香濃，茶味甜味平均，加上暖笠笠嘅紅豆蓉係絕配！入面個流心「傑傑」地，唔會一切開就流走哂。將雪糕連埋心太軟一齊放入口，一凍一熱、一軟一硬，又係一種美味食法！