Video
Read full review
2017-03-23
2367 views
每逢星期六, 總習慣到外吃點心, 依排落黎, 幾乎屋企附近嘅大小酒樓, 小點心鋪頭全部都食過哂, 開始嘴刁, 上openrice 望下, 搵到依間野啲點心份外精緻, 專程黎試下. 約左個一樣鍾意食點心嘅死仔, 黎依度食個晏茶. 叫左幾樣點心. 前菜叫左藍莓冬瓜, 原來係冬瓜肉切成粒, 再加上藍莓狀, 雖然望上去好似提子,但其實係藍莓味冬瓜, 都幾特別.龍蝦蘿蔔酥梗係必點，因為賣相的確係超靚, 就算只係相機食都唔會蝕底. 個龍蝦頭傍住個蘿蔔酥, 望落更加令人想食. 咬左啖, 好脆, 裡面除左有蘿蔔肉之外, 都食到有龍蝦肉, 熱辣辣, 口感外脆內軟, 帶點彈性, 味道方面, 好香, 加左龍蝦肉嘅味道都幾特別因為我地兩條友都幾鍾意食炸野, 所以都叫左大龍蝦春捲, 同埋鮮蝦雲吞脆. 前者有龍蝦肉. 後者則有鮮蝦。話時話, 而加係出面想食有龍蝦肉嘅點心真係比較少, 所以都係幾難得嘅食飯體驗. 春捲同雲吞都係一樣, 好脆. 個人黎講, 就鍾意食春捲多啲, 因為佢皮薄, 脆個剎那之後就係好飽足嘅龍蝦肉, 感覺更滿足. 如果更鍾意脆感強嘅食物嘅朋友, 可能就會覺得雲吞脆更好味. 不過兩樣都一樣咁足料
約左個一樣鍾意食點心嘅死仔, 黎依度食個晏茶. 叫左幾樣點心.
前菜叫左藍莓冬瓜, 原來係冬瓜肉切成粒, 再加上藍莓狀, 雖然望上去好似提子,但其實係藍莓味冬瓜, 都幾特別.
龍蝦蘿蔔酥梗係必點，因為賣相的確係超靚, 就算只係相機食都唔會蝕底. 個龍蝦頭傍住個蘿蔔酥, 望落更加令人想食. 咬左啖, 好脆, 裡面除左有蘿蔔肉之外, 都食到有龍蝦肉, 熱辣辣, 口感外脆內軟, 帶點彈性, 味道方面, 好香, 加左龍蝦肉嘅味道都幾特別
因為我地兩條友都幾鍾意食炸野, 所以都叫左大龍蝦春捲, 同埋鮮蝦雲吞脆. 前者有龍蝦肉. 後者則有鮮蝦。話時話, 而加係出面想食有龍蝦肉嘅點心真係比較少, 所以都係幾難得嘅食飯體驗. 春捲同雲吞都係一樣, 好脆. 個人黎講, 就鍾意食春捲多啲, 因為佢皮薄, 脆個剎那之後就係好飽足嘅龍蝦肉, 感覺更滿足. 如果更鍾意脆感強嘅食物嘅朋友, 可能就會覺得雲吞脆更好味. 不過兩樣都一樣咁足料, 依樣幾抵讚
另外見到幾得意都叫左個鳯眼鮮蝦餃. 另外嘅鳯眼鮮蝦餃, 蝦餃皮薄餡靚, 感覺係比一般出面好食, 同佢靚靚嘅外表相配合, 有種矜貴嘅感覺. 真係有啲服左依度大廚嘅心思! 普通嘅蘿蔔酥都可以加個龍蝦頭, 常見嘅蝦餃都整得格外精美, 依種功夫唔可以睇小.
最後食埋個甜品仔. 其實係望到, 哇,依間中菜竟然有tiramisu 食? 堅定流? 估唔到唔單止有, 而且仲做得好精緻, 成個盆栽咁. 味道都唔錯, 有相當嘅水準. 可以話係幾驚喜嘅一餐!
Post
