Samsen 泰麵

Open Now

Now Closed

近排啲同事講起喺灣仔食過一間泰國菜，佢地形容為”就算大排長龍都值得等”。咁啱呢排又想食泰國嘢又去開港島呢頭，就決定試吓呢間餐廳。我哋特登早啲去，因為知道七點之後都一定會多人，點知都要等位。眼見前面都有七至八張枱要等，好彩待應同我地講話有位會打俾我哋，所以我地去附近行左陣。呢個service都唔錯，最後我哋等左30分鐘度就可以入座。間餐廳嘅裝修都算簡樸，亦見到好多懷舊嘅擺設，令你覺得好似去咗外國一樣。我哋order左最多人叫嘅和牛船麵。碗麵好快送到，驟眼望落去見到個湯好濃郁，碗麵都好足料。事後上網睇返先知原來濃湯係以豬肉、豬血同牛血熬足兩個幾鐘先完成，唔怪之得個味可以咁Rich。至於船麵裏面嘅和牛、牛腩肉質到好腍。牛丸亦冇得輸。雖然碗麵嘅定價係比較貴，但係食到出邊食唔到嘅味道我覺得都值得。除咗船麵我地都叫左pad thai，雖然都好食，但係一定冇和牛船麵咁驚喜。