泰越概念 (Closed)

泰國菜向來都是喜歡的菜式之一，每過一段時間就想食泰國菜，今日去了食呢間，第一次吃呢種鹽燒烤魚，個醬汁好醒胃，個魚皮由於用鹽烤焗，所以主要食魚肉，魚肉鮮嫩，有啲唔夠喉！另外叫咗一個海鮮咖喱配蒜蓉包，將蒜蓉包點汁好好味，食極都唔夠，之後再嗌咗個我食泰國菜都必點嘅蠔仔煎蛋，呢個菜有少少失望，蠔仔雖然算多同大，但無乜味道。不過環境都幾舒服，座位都幾闊落，而且唔算好多人，有舒適嘅環境同朋友傾計聚會，價錢中價。