Video
Read full review
2012-04-24
49 views
今次係我join左openrice咁耐以黎第一次寫食評. 典解會有呢個衝動呢? 係因為四出尋食既我終於搵到一間又好味, 又抵食, 又衞生, 又真材實料, 服務又周到既食店喇~!!!講返我既經歷先~~! 原本我係想去食嘉太賀, 但係去到之後朋友話覺得貴, 又麻麻地好食, 所以決定轉架步, 跟住我地就喺呢兩條街度周圍睇下有乜野啱食又唔貴, 沿途經過好多間食店都好似好貴咁, 結果行到尾尾就見到呢間潮人車仔麵, 店舖細細地, 但感覺都OK舒服, 價錢又唔貴, 之後就俾果度既熱情老闆釣左我地入去喇~! 以為簡簡單單既車仔麵, 但睇下個餐牌, 原來又唔係一間普通既車仔麵喎! 佢有個招牌菜冬陰公海南雞麵, 最愛食辣既我又點會放過??? 但係果一刻我又想食車仔麵, 又想試冬陰公, 唔知揀邊樣, 煩惱之下, 老闆娘就同我講可以幫我將車仔麵轉冬陰公湯底! 嘩! 我即時開心到爆! 於是我就叫左鹵水雞翼+腸仔+蘿蔔+紅腸+油麵+冬陰公湯底(中辣), 朋友就叫左個三餸公仔麵 (唔記得係乜野餸).等食期間, 望下d裝修, 真係好young呀! 以豬仔圖案為題材, 放晒喺幅牆度, 好cute! d筷子好特別, 開頭
講返我既經歷先~~! 原本我係想去食嘉太賀, 但係去到之後朋友話覺得貴, 又麻麻地好食, 所以決定轉架步, 跟住我地就喺呢兩條街度周圍睇下有乜野啱食又唔貴, 沿途經過好多間食店都好似好貴咁, 結果行到尾尾就見到呢間潮人車仔麵, 店舖細細地, 但感覺都OK舒服, 價錢又唔貴, 之後就俾果度既熱情老闆釣左我地入去喇~! 以為簡簡單單既車仔麵, 但睇下個餐牌, 原來又唔係一間普通既車仔麵喎! 佢有個招牌菜冬陰公海南雞麵, 最愛食辣既我又點會放過??? 但係果一刻我又想食車仔麵, 又想試冬陰公, 唔知揀邊樣, 煩惱之下, 老闆娘就同我講可以幫我將車仔麵轉冬陰公湯底! 嘩! 我即時開心到爆! 於是我就叫左鹵水雞翼+腸仔+蘿蔔+紅腸+油麵+冬陰公湯底(中辣), 朋友就叫左個三餸公仔麵 (唔記得係乜野餸).
等食期間, 望下d裝修, 真係好young呀! 以豬仔圖案為題材, 放晒喺幅牆度, 好cute! d筷子好特別, 開頭以為有三隻色, 細看之下原來係有六隻色(有深紫色/淺紫色/深綠色/淺綠色/深藍色/淺藍色), 好潮呀~! d枱同櫈襯得好靚好sharp, 感覺好乾淨好舒服!
開動喇~!!! 我個冬陰公車仔麵賣相好靚! 忍唔住就影低左, 一食, 超正囉!!!! 原來冬陰公湯配油麵係咁正! 簡直好似食緊韓國酸辣麵咁! d餸俾得好足, 材料食得出好新鮮, 至於味道, 冇得頂! 完全係正宗冬陰公湯! 真係好正~! 如果好食得辣, 可以試大辣, 我本身都食得少許辣, 所以覺得中辣岩岩好~! 至於朋友果個, 佢一邊食一邊話好好味喎! 雖然只係一個普通公仔麵, 但佢真係整得好講究, 主要係因為d材料同湯底, 食得出係用料十足果種. 老闆介紹我地試下佢地新出既特飲菠蘿XX冰(唔記得係乜野冰), 我地就叫左兩杯, 好好味! 唔會太甜, 仲食到個底有菠蘿肉! 大滿足~~! 後來見到餐牌有個炸燒賣, 就叫左個黎試, 嘩~! 真係好好味! 炸左出黎外皮脆卜卜, 裡面好香好彈牙! 好正呀~~!! 食到咁上下, 見到廚房炒緊d好香既野, 一問之下, 原來係飛天通菜! 竟然喺車仔麵檔有飛天通菜!!! 好特別! 老闆娘問我地要唔要一碟, 可惜我地已經好飽, 怕叫左食唔晒, 所以冇要到, 不過老闆娘好好人, 竟然叫廚房炒左少少俾我地試食, 唔收錢的!!!! 一試, 真係好正! 夠辣!!! 好啱我胃口~! 唔食得辣既朋友如果去食可以叫佢減辣~! 之後我地問老闆娘點解d野食整得咁好味, 原來做廚房果個以前係做泰國餐廳既大廚, 而家都係呢間潮人既半個老闆, 所以每樣食材同味道都好講究. 老闆娘仲問我地d野食味道ok唔ok, 有冇野要改善, 我同朋友都覺得好好食, 冇野要改善, 唯一一個要改善既地方, 就係間舖要擴充!!! 因為真係幾多客人, 我地七點幾去到都坐到滿咁濟, 再夜d黎食可能要排隊喇!!! 可以既話, 最好開多幾間分店, 放一間喺我屋企樓下就perfect啦~~!
最後我仲叫左個海南雞打包返去俾屋企人食, 佢地食完話好好味, 仲問我喺邊間海南雞店買添呀~~!
整體黎講, 真係食得好開心, 老闆同老闆娘都好親切好好人, d野食又好食又抵食, 簡直係滿分呀~~~!!
Other Info. :
[b][b]好欣賞佢地不斷研製d新既食品黎滿足客人, 可能下次去既餐牌又會加左好多款式選擇喇~~ 好有新鮮感呀~! 好期待下次再去幫襯~!! ^^[/b][/b]
[b][b]有一樣野必須要補充, 就係點解我會咁認真去寫呢個食評呢? 原因係呢度真係好有***家***既感覺, 因為個feel好舒服, 野食好香好好味, d人好親切, 喺度食真係好warm~!!! 所以我好鍾意呢度, 希望同大家分享下~! ^.^[/b][/b]
(The above review is the personal opinion of a user which does not represent OpenRice's point of view.)
Post
