泰 (Closed)

主題party room越出越多星期二就同朋友去試左呢間主打泰國菜既party room。門口坐位好有特色啊～不過今晚太凍啦同埋book左party room~唯有等下次熱d既時候再黎坐出面啦～餐廳隔離就有樓梯轉上今晚既主場啦～個場夠晒闊落～有麻雀機～PS4~賽車game仲有部好懷舊既街機（有泡泡龍打啊～）啱晒成班男仔啦～仲有K room可以俾我呢d咪霸過下癮講完今晚既主場，再黎講下今晚既第二主角-野食～個小食炸銀魚好好食啊～夠晒香口海南雞，小妹只食炸同焗既雞～所以今晚冇試呢款～但朋友食完話好好味～後尾聽餐廳員工講返先知原來佢地餐廳既主打都係雞～燒海蝦，蝦肉唔‘梅’加埋個汁燒雞翼～泰式青芒生魚啊～極力推介事關除左吸晴之外仲好好食啊～魚肉唔‘鞋’魚皮又炸到脆卜卜，再配埋個辣度十足既青芒沙津～一次滿足你三個願望，鍾意食辣既絕對可以一試啊～食完個魚～再黎試個蟹，個咖哩加埋d蒜蓉包同泰式薄餅一齊食～再加埋d蟹肉～冇得輸啊～可以一邊食一邊玩～下次要帶埋屋企d小朋友黎一齊癲下先