Video
Read full review
2017-04-08
151 views
「西餐大排檔」呢個名真係夠晒特別，俾人一種「East meets West」既感覺，帶點中西fusion既感覺之餘又不失「懷舊」呢個近年hit到爆既gimmick！餐廳位於銅鑼灣渣甸街靜中帶旺既一棟商業大廈，由港鐵站F1出口行過去都只係3分鐘左右，講location真係冇得輸呀！食物方面選擇亦非常多，除左由$200幾至$300幾一位既套餐外，更可以選擇$888既精選二人套餐！而我地亦分別叫左一個$298既「燒橡果級黑毛豬肉眼」同埋$388既「美國燒肉眼扒」set。另外，我亦另外加左$65點左一份海鮮拼盤。Portion方面算係啱啱好，如果叫兩份反而可能太多，令到之後食唔落個main course！生蠔雖然較薄身，但整體都算新鮮，鮑魚亦煮到好腍，不過凍蝦就無乜特別！有驚喜既係帶子同埋聖子刺身，配埋自家製既綠色酸汁同埋麵豉汁感覺非常惹味開胃！黑松露蘑菇湯︰中（冬菇）西（蘑菇）合壁呢個idea非常唔錯！由於將打碎既蘑菇混合埋忌廉既關係，整體感覺非常thick得黎之餘亦有層次感，同茶餐廳罐頭湯之流完全兩個層次！牛腩羅宋湯︰同平時既羅宋湯好唔同，整體感覺濃得黎之餘亦有少少偏甜，酸酸地又帶點鹹味非
餐廳位於銅鑼灣渣甸街靜中帶旺既一棟商業大廈，由港鐵站F1出口行過去都只係3分鐘左右，講location真係冇得輸呀！
食物方面選擇亦非常多，除左由$200幾至$300幾一位既套餐外，更可以選擇$888既精選二人套餐！而我地亦分別叫左一個$298既「燒橡果級黑毛豬肉眼」同埋$388既「美國燒肉眼扒」set。
另外，我亦另外加左$65點左一份海鮮拼盤。Portion方面算係啱啱好，如果叫兩份反而可能太多，令到之後食唔落個main course！
海鮮拼盤
$65
14 views
0 likes
0 comments
黑松露蘑菇湯
11 views
0 likes
0 comments
牛腩羅宋湯
21 views
0 likes
0 comments
燒橡果級黑毛豬肉眼
$288
25 views
0 likes
0 comments
美國燒肉眼扒︰這是店員誠意推介，「不可不試」既菜色！肉眼扒非常厚身，肥瘦比例剛剛好之餘亦煮到我最鍾意既「medium rare」五成熟，啱晒鍾意「唔生唔熟」既我！入口第一個感覺係「嘩，乜咁juicy既！」，後來問店員先知道，原來餐廳用超過4個鐘先將肉眼慢慢燒至3至4成熟左右，當夜晚客人黎到既時候再按佢地既需要燒熟。不過要留意既係由於肉眼扒有差唔多10安士咁重，細食既女士們可能覺得份量太多！另外，值得一提既係D配菜。薯蓉非常滑溜之餘又食到粒粒既感覺，而豆角爽脆嫩滑得黎又擺得非常精緻，十足十一件藝術品咁。最特別既係粟米，平時通常都只係一粒粒咁上碟，但今次居然係成條上，雖然食既時候要花更多功夫去切，但感覺卻elegant得多！
本來諗住再加多一個甜品share，但去到呢個moment已經完全食唔落，所以呢一頓豐盛既晚餐就咁以兩杯餐茶作一個完美既wrap-up！總括黎講呢度既用餐體驗非常特別，懷舊得黎又不失光猛、整齊、乾淨等等我最著重既元素。下次有機會一定要齊試埋「燒原隻波士頓鮮龍蝦」！
Post
