水鴨朱椰子雞 (Closed)

平時好少入大角咀，由於工作嘅關係，去左奧運站附近，放工約咗朋友，佢推介呢度附近雞料理嘅中式餐館食，見係佢推薦，一於試下！脆皮乳鴿好少去餐廳有乳鴿食，只可以講皮真係好脆，而且係脆而不油膩，細細隻，好適合用嚟做前菜小食！剁椒蒸魚頭未上枱已經聞到剁椒嘅香味，當堂已經流晒口水，魚頭一直都係我最鍾意嘅菜式之一，因為魚頭入面嘅魚肉係超級滑，正！口水雞口水雞認真抵食，半隻嘅份量都好多，而且雞嘅肉質鮮嫩，唔似冰鮮雞，最緊要嘅係唔算太辣，好適合食唔到辣嘅人，用嚟送飯簡直一流！胡椒豬肚雞湯食飽飽當然要飲番個湯啦，呢個胡椒豬肚雞湯好啱兩個至三個人飲，相當滋潤。