一龍蝦兩餸王

Open Now

Now Closed

間唔中都會去友人在渡船街家中打麻雀，平日有工人姐姐負責預備晚餐，今日工人姐姐休息，友人提議買兩餸飯，佢話呢間兩餸飯和其他的有所不同，係有龍蝦，鮑魚和扇貝賣㗎！一於同佢落去見識一下！鮑魚$28/隻~陳皮味好香， 鮑魚肉質爽彈鮮甜，不錯。龍蝦伊麵$78~龍蝦半隻，肉質鮮甜，龍蝦鉗勁多肉，伊麵炆得好腍好入味，芝士味好濃郁，好抵食！蒸沙巴龍躉$98~大約一斤重，肉質滑嫩，入盒前先 贊熟油，返到屋企仲熱騰騰，正！淨兩餸$40~ 魚香茄子+鎮江骨魚香茄子~ 茄子炆得好腍，加入肉碎和少許辣椒，酸酸辣辣，十分惹味，送飯一流。鎮江骨~ 肉質嫩滑有嚼勁，酸梅味好香， 味道調教得很適中，酸酸甜甜好開胃。一餸$40~小炒王~ 有火腿，蝦仁，蝦米，叉燒和韭菜，口感豐富，味道不錯。