Video
Read full review
2014-05-01
1983 views
小雪今次係第一次去 Greyhounds Café，去的是為於中環國金中心 (ifc) 分店，唔知係唔係星期日既關係呢！在外等既人都唔少，好彩朋友仔一早訂左位即。店內景觀開揚，而且果日天氣好好，感覺好舒服。 天氣甘熱，小雪梗係整返杯 Greyhounds Café 既特色凍檸茶，因為冰是用檸檬茶整成既，所以絕對唔會有越飲越淡既情況，而且茶味、檸檬味同甜度岩岩好，真係超讚，推介～薄切三文魚片配泰式辣汁依個係朋友仔既推介呢！新鮮既三文魚配上開胃既泰式辣汁，味道好似食泰式生蝦甘，但口感當然不一樣，好軟滑，而且蒜片既味道剛剛好，食完之後唔會成口蒜頭味，嘻嘻～脆炸粟米蟹肉餅配甜酸醬香口鬆脆既前菜，有粟米粒係到，感覺無甘熱氣，配埋甜酸醬，又一開胃菜。鮮蝦牛油果沙律沙律醬入面應該加左少少 Wasabi，所以食落會有少少攻鼻；鮮蝦彈牙，牛油果都好好味，不過小雪好怕火箭菜的辛辣感，如果可以轉其他沙律菜就更好。來到主菜，小雪選了酸酸辣辣既泰式河蝦冬蔭公湯河粉河蝦好大隻，不過河粉量太少，女士可能免強還可以，男生就一定不夠了；不過冬蔭公湯既酸辣度岩岩好，唔會好辣。鮮蝦炒金邊粉碟邊放著芽菜、花生碎及辣椒碎，小雪
店內景觀開揚，而且果日天氣好好，感覺好舒服。
天氣甘熱，小雪梗係整返杯 Greyhounds Café 既特色凍檸茶，因為冰是用檸檬茶整成既，所以絕對唔會有越飲越淡既情況，而且茶味、檸檬味同甜度岩岩好，真係超讚，推介～
薄切三文魚片配泰式辣汁依個係朋友仔既推介呢！新鮮既三文魚配上開胃既泰式辣汁，味道好似食泰式生蝦甘，但口感當然不一樣，好軟滑，而且蒜片既味道剛剛好，食完之後唔會成口蒜頭味，嘻嘻～
脆炸粟米蟹肉餅配甜酸醬香口鬆脆既前菜，有粟米粒係到，感覺無甘熱氣，配埋甜酸醬，又一開胃菜。
鮮蝦牛油果沙律沙律醬入面應該加左少少 Wasabi，所以食落會有少少攻鼻；鮮蝦彈牙，牛油果都好好味，不過小雪好怕火箭菜的辛辣感，如果可以轉其他沙律菜就更好。
來到主菜，小雪選了酸酸辣辣既泰式河蝦冬蔭公湯河粉河蝦好大隻，不過河粉量太少，女士可能免強還可以，男生就一定不夠了；不過冬蔭公湯既酸辣度岩岩好，唔會好辣。
鮮蝦炒金邊粉碟邊放著芽菜、花生碎及辣椒碎，小雪喜歡再加上少少青檸汁，味道甜甜酸酸；份量同配料都好夠，有蝦、枸菜、蛋絲同乾豆腐，惹味又開胃。
叫左兩個以蝦為主既主菜，來一個泰式雞肉意大利麵先意粉熟得岩岩好，煙煙 un un唔太淋，少少辣能惹味，不過小雪就覺得咸左 D，而且雞肉煮得有點過火，又乾又硬，有待改善喇！
有女生就當然有甜品，先來個新鮮椰子千層蛋糕蛋糕中間夾左好多椰子肉，而表面既 Cream亦有清新既椰子味；D Cream入口即溶，滿口清新既椰子香味，真係好食到停不了。
野莓千層蛋糕蛋糕內外有著原粒野莓，酸酸甜甜，多吃也不膩。
芒果芭菲上層是清新既椰子雪芭，雪芭入面都有椰子肉呢！
中間係新鮮粒粒芒果肉，又甜又香。
最底既竟然是微暖的椰汁糯米，驚喜又好吃。
Post
