Video
Read full review
2019-03-22
842 views
上星期同朋友閒聊的時候，朋友話還欠我一餐生日飯，要搵日補祝。但因其中一人暫時不能吃魚生，但又好想食，見狀朋友就埋頭苦幹地搵一下邊度有好食店食，點知俾佢搵到間素食店係為一啲齋口唔齋心和想食壽司又食唔到魚生既食客而設的。當然要去睇下食評同啲相啦。咦！又好似幾好咁喎。睇啲相見到啲壽司幾像樣，好啦！就一於揀呢間店做我既生日飯啦！雖然唔知店舖會唔會太多人，穩鎮起見都係book定枱好啲。去到居然得兩三枱人，地方不大，環境是和風設計，侍應是一班上年紀的嬸嬸，但他們做野都算爽手，快快安排坐位，奉上茶，等到朋友來到就一同點選食物，見到餐牌影的相片有好多都相當吸引，後來點選了以下食物，等我逐一介紹下。第一個係總廚田園鮮果沙律，碟內好多菜，有蘋果粒，蘋果是連皮的，還有蕃茄仔，青瓜，粟米等，正常沙律，冇乜特別。因席上有小朋友，但他唔食有皮蘋果，所以吸引唔到小朋友食，呢點可能要注意一下。再來是香甜士多啤梨骨，本來之前見其他食客的咕嚕肉相片，賣相吸引，但唔見餐牌有，以為是士多啤梨骨，故叫了一個試下，當真唔係我想食的咕嚕肉，但都算啦，試下無妨。味道還可以，但冇特別，雖然係素，但士多啤梨骨的口感都幾似肉，好有口感，唔
雖然唔知店舖會唔會太多人，穩鎮起見都係book定枱好啲。去到居然得兩三枱人，地方不大，環境是和風設計，侍應是一班上年紀的嬸嬸，但他們做野都算爽手，快快安排坐位，奉上茶，等到朋友來到就一同點選食物，見到餐牌影的相片有好多都相當吸引，後來點選了以下食物，等我逐一介紹下。
第一個係總廚田園鮮果沙律，碟內好多菜，有蘋果粒，蘋果是連皮的，還有蕃茄仔，青瓜，粟米等，正常沙律，冇乜特別。因席上有小朋友，但他唔食有皮蘋果，所以吸引唔到小朋友食，呢點可能要注意一下。
再來是香甜士多啤梨骨，本來之前見其他食客的咕嚕肉相片，賣相吸引，但唔見餐牌有，以為是士多啤梨骨，故叫了一個試下，當真唔係我想食的咕嚕肉，但都算啦，試下無妨。味道還可以，但冇特別，雖然係素，但士多啤梨骨的口感都幾似肉，好有口感，唔似食素。
跟著砂鍋玉帶魚香茄子雞煲，魚香唔夠香濃，茄子都尚算幾好，雞是素雞塊，但不是太像。但味道還可以。
朋友叫了一個三文魚手卷，他們吃了還以為真的食緊真的三文魚一樣，質感好像。連小朋友都食得開心，媽咪又放心。推介！
再來係一碟鮑魚壽司，味道和口感爭少少。
終於主角出場！壽司拼盤！！叫了一個２人拼盤(12件)和一個４人拼盤(20件)，我地有五個大人，一個小朋友，點都夠食路卦！！見頭先朋友話個三文魚手卷好食，當然第一舊就試佢既三文魚壽司，咦！當然冇講錯喎，口感真係好似，連不嬲都對素食而又古靈精怪的菜都抱著不接受的友人，又想試下佢係咪真係做得咁似，他即管試一口，他都覺得有驚喜，像真度好高，不同平時一啲素食又係日式做壽司的三文魚，得個樣，口感一點都不像的食店。這間睇黎在口感方面都落左一下功夫。抵讚！
玉子和腐皮壽司同普通日式店差不多，始終都唔係肉類，唔會太大出入。花之戀壽司，三文魚睇黎包得比較鬆散，唔可以一夾就夾得起，要搵隻匙托住，但味道都幾好。卷物是軟殼蟹卷，嘩！好食，好脆，個感覺真係以為自己食緊軟殼蟹一樣！和牛壽司就一點都不像牛肉，係失敗之作。吞拿魚壽司都ＯＫ！口感都唔錯！
我和朋友還點了一個軟殼蟹手卷，真係好好食！
因有小朋友，所以就叫了一碟蒲燒鰻魚蛋白炒飯。但我覺得係失敗之作，鰻魚粒唔似鰻魚，口感都唔似。只係覺得似食緊豆腐乾炒飯，飯味又不太好食。所以我都是食了一小匙擺了。
再來是牛油果鰻魚卷，可能是卷物，食落都還可以，比起炒飯好一點。
本人都幾喜歡食腰果露，見這裡都有就叫了一客試食，腰果露雖然軟滑，但唔夠腰果味，亦太少腰果香味，唔夠足料，好失望！
腰果露
11 views
1 likes
0 comments
計埋腰果露全單食左八百幾蚊，五個大人一個小朋友，還可以啦！我覺得呢度壽司做得比較出色，其他一般！如果想食三文魚又唔敢食生野的朋友可以到這間素食店試下口感，都係一個不錯的選擇。
Other Info. :
以為冇咕嚕肉，點知走時見人家吃緊，個賣相非常吸引。但唔知點解餐牌見唔到呢？可能走漏眼了，下次有機會試下先！
(The above review is the personal opinion of a user which does not represent OpenRice's point of view.)
Post
